Хави: “Тарихий ғалаба”

Каталонияликлар асосий жамоасидаги 17 футболчинижг асосий қисми коронавирус ва жароҳат туфайли ўйинда қатнашмади.

“Бу “Барселона” учун олтинга тенг уч очко. Ўйинни қолдириш кераклигини айтгандим, чунки бизда қандай муаммолар борлигини кўрдим, аммо жамоамдан жуда фахрланаман.

Тер Штеген бизни қутқарди, у ўзига нисбатан жуда талабчан. Бутун жамоа учун, Марк-Андре ва айниқса, Люк де Йонг учун жуда ҳам хурсандман. У профессионал тарзда меҳнат қилади, машқ ўтказади, эффектив ҳаракат қилади.

Мазкур 3 очко бизни юқори ўринларга курашиш учун қайтишимизга ёрдам беради. Ҳолатимиздан келиб чиқиб, уч очкони қўлга киритганимиз ҳайратланарлидир.

Ғалаба бизни олий мақсадимиз – Чемпионлар Лигасига яқинлаштиради. Таркибимизда 17 йўқотиш бор эди, бу тарихий ғалаба ҳисобланади.

Жамоавий уйғунликни кўрганимдан жуда бахтиёрман, ғалабанинг қиймати олтинга тенг. “Барселона” ишонишда ва ишлашда давом этиши керак, чунки биз тўғри йўлдамиз”, дейди Хави.