Хави де Йонгни марказий ҳимояда ўйнатмоқчи

Нидерландиялик футболчининг келажаги ноаниқлигича қолмоқда. "Барса" маош жамғармасини тушириш ва трансфердан пул ишлаш учун де Йонг билан хайрлашишга тайёр, ҳатто аниқ таклифлар ҳам бор. Лекин футболчининг ўзи кетишни истамаяпти.

Эслатиб ўтамиз, сўнгги икки ўртоқлик ўйинида - "Интер Майами" (6:0) ва "Реал Мадрид" (1:0)га қарши ўйинда Хави де Йонгни икки марта марказий ҳимоячи сифатида захирадан майдонга туширганди.

"Френки марказда мослаштирилиши мумкин. Мен уни футболчи сифатида жуда қадрлайман. Биз шахсий суҳбат ўтказдик, аммо тафсилотларни ошкор қилмайман.

Қолаверса, клубнинг молиявий аҳволи ва фейр-плей масаласи мавжуд, аммо у марказий ҳимоячи сифатида ўйнаб, бизга кўп нарса бериши мумкин. Биз марказий ярим ҳимоячининг марказий ҳимоячи позициясида ўйнашини истаймиз ва у буни жуда яхши уддалайди", - деди Хави.