Хавьер Эрнандес 2015 йилда КОНКАКАФнинг энг яхши футболчиси
24 янв 2016 08:41
Новости

Хавьер Эрнандес 2015 йилда КОНКАКАФнинг энг яхши футболчиси

Мексика терма жамоаси ҳамда Ливеркузеннинг “Байер” клуби ҳужумчиси Хавьер Эрнандес КОНКАКАФнинг 2015 йилдаги энг яхши футболчиси деб топилди.

Ташкилот расмий сайтида ўтказилган сўровномада КОНКАКАФ федерациясига кирувчи терма жамоа сардорлари, журналистлар ва журналистлар иштирок этишди. Эрнандес сўровда Коста-Рика терма жамоаси ҳамда Лиссабоннинг “Спортинг” клуби етакчиси Брайан Руис ва ҳамюрти Голландиянинг ПСВ клуби аъзоси Андрес Гуардадони ортда қолдирди.

2015 йилнинг энг яхши аёл футболчиси сифатида кутилганидек АҚШ терма жамоаси вакиласи Карли Ллойд эътироф этилди. Лллойд ФИФА томонидан 2015 йилнинг энг яхши аёл футболчиси деб ҳам топилганди.

Эркаклар ўртасидаги энг яхши мураббий номинациясида Панама терма жамоаси устози Эрнан Дарио Гомес ғолиб чиқди. АҚШ аёллар терма жамоаси устози Жилл Эллис эса энг яхши аёл мураббий бўлди. Йилнинг энг яхши дарвозабонлари деб эса мос равишда америкалик посбонлар Тим Ховард ва Хоуп Соло топилди.

Ссылка :

Источник : goal.com

Получайте новости прямо в Telegram!

Рейтинг: +4