Хажиме Морийасу: "Ўзбекистон билан жуда хотиржам ва бемалол ўйнадик"

"Бугунги баҳсда майдонга туширган футболчиларим борини бериб ҳаракат қилишди. Гуруҳдан учта ғалаба билан чиққанимиздан жуда хурсандмиз. Ўзбекистонга қарши хотиржам ва аҳил жамоа бўлиб ўйнашни мақсад қилгандик ва буни уддасидан чиқдик.

Аввалги иккита ўйинга нисбатан айтадиган бўлсам, мазкур ўйинни ортиқча босимсиз ва бемалол ўтказдик. Умуман олганда гуруҳ босқичидаги рақибларни ажратмайман. Барча рақиблар бир хил даражада бўлишди.

Плей-офф босқичида Қатар ёки Саудия Арабистонига қарши дуч келамиз. Бизга фарқи йўқ, рақиб танламаймиз. Ўзбекистонга қарши ўйинда 10 нафар янги футболчини тушириш бу таваккал эмас, балки уларга бўлган ишонч. Машғулотларда ким яхши шуғулланса ва ким тайёр бўлса, ўшани майдонга туширдим. Келаси баҳсда ҳам ким кўпроқ ва яхшироқ тайёргарликка эга бўлса ўшани ўйнайди", - дея фикрларини билдирди Япония терма жамоаси бош мураббийи Хажиме Морийасу.