"Водий футболи": "Андижон" ва "Нефтчи" 9 июлга қадар таътилга чиқди

"Қўқон-1912": "Пахтакор"га қарши ўйинга тайёргарлик давом этмоқда

Қўқонликлар эртага олий лиганинг 2-туридан ўрин олган "Пахтакор"га қарши ўйин ўтказади.

Рустам Абдуллаев бошчилгидаги жамоа йўқотишларга қарамай эртанги учрашувга жиддий тайёргарлик олиб бормоқда. Кечаги машғулотлар "Марказий" стадионда бўлиб ўтди.


"Андижон": 9 июлга қадар таътил

"Андижон" клуби футболчиларга 9 июлга қадар дам берилди. Жамоа иккинчи даврага тайёргарликни 9 июлдан бошлайди ва шу куни футболчилар клуб қароргоҳига йиғилади. Оралиқ танаффусдаги тайёргарлик режалари қандай бўлиши борасида кейинроқ маълумот берамиз.


"Нефтчи": Жамоа таътилга чиқди

Фарғонанинг "Нефтчи" клуби ҳам ёзги таътилга чиқди.

Футболчилар 9 июлга қадар дам олишади. Шундан сўнг 20 июлга қадар Фарғонада йиғин ўтказилади. 13 июль куни Тошкентга келиб "Футбол Мед"да тиббий кўрикдан ўтиш режалаштирилган.