Владимир Вайсс "Пахтакор"га қарши ўйнамайди
10 янв 2018 14:52
Новости

Владимир Вайсс "Пахтакор"га қарши ўйнамайди

Тошкентнинг "Пахтакор" клуби ОЧЛ плей-оффи доирасида Қатарнинг "Ал Гарафа" жамоаси билан беллашади.

Сўнгги пайтларда қатарликлар Уэсли Снейдер ва эронлик Меҳди Таремини сотиб олиб таркибни кучайтиришди.

"Ал Гарафа"нинг яна бир легионери словакиялик Владимир Вайсс жиддий жароҳати борлиги сабаб "Пахтакор"га қарши ўйинни ўтказиб юборади. 2017 йилнинг декабрида Вайсснинг чап оёғи операция қилинган ва у узоқ муддатга сафдан чиққан.

Ўшанда футболчи твиттердаги саҳифасига шундай ёзган эди: "Операция жуда яхши ўтди, ҳеч нарсани сезмаяпман :)) Оғир иш энди бошланади".

2017 йилнинг 19 декабрида Вайсснинг твиттерга жойлаган сурати. Унда "Ал Гарафа" Қатар Юлдузлар лигаси кубогини қўлга киритган, Владимир эса чап оёғида махсус мослама билан кубокни кўтараяпти.