RU

Последние новости

02:05АПЛ. "Ньюкасл" - "Ливерпуль" баҳси тақдирини 16 ёшли йигит ҳал қилди  8 01:50А Серия. "Интер" 5та гол фарқи билан ғалабага эришди  1 00:54Неймар ва "Реал" футболчилари Бразилия терма жамоасига чақирилмади  3 00:10Ўзбекистон Кубоги. "Сўғдиёна" – "Навбаҳор" 4:0  3 00:07Сергей Лушчан: “Бугун улар ўз жамоаси учун эмас, рақиб учун ўйнашди. "Навбаҳор"да ишлар эканман, бу ўйинчилар энди таркибдан жой олмайди”  26 23:46"Наполи" МЮ футболчисини ўз сафига қўшиб олади  0 22:38Аёллар ўртасида ОЧЛ. "Насаф" қизлари Непал клубини таслим қилди  0 21:54Винисиус "Овьедо"га қарши ўйинни захирада бошлашини кутмаган экан. Алонсо уни огоҳлантирмаган  2 21:35"Бавария" Жексон билан келишувга эришди. Энди "Челси" билан музокаралар бўлиб ўтади  2 21:24"Марсель" "Реал" хавбекини ижарага олмоқчи  0 20:56Ўзбекистон Кубоги. "Сўғдиёна" "Навбаҳор"ни йирик ҳисобда енгиб, илк ярим финалчига айланди  102 20:03Артём Петросян: "Қизил карточка ҳаммасини барбод қилди"  3 19:54Фарҳод Нишонов: "Олимпик" 10 киши бўлиб қолганига қарамасдан, астойдил курашди"  0 19:17Ҳиндистон терма жамоаси CAFA мусобақаси учун таркибини эълон қилди  5 18:58Про лига. "Олимпик-MobiUz" бир киши кам "Олимпик" устидан минимал ғалабага эришди  0

Владимир Ежуров: "Қизил карточкагача рақибдан устун эдик" Новости

Владимир Ежуров: "Қизил карточкагача рақибдан устун эдик"

Coca Cola Суперлигаси 15-туридан ўрин олган "Нефтчи" – "Пахтакор" (0:2) учрашувидан сўнг фарғоналиклар мураббийи Владимир Ежуров фикрларини билдириб ўтди.

- Ўйин ҳақида

- Йигитларга қўрқмасдан, муносиб ўйнашлари кераклигини уқтиргандик. Айрим футболчилар чўчиб ўйнагандай туюлди. Биринчи тайм биз хоҳлагандек кечмади. Иккинчи таймга келиб, ўзгаришлар қилдик. Қизил карточкагача рақибдан устун эдик. 

0:1 ҳисобидаги ҳолатдан чиқиб кетиш мумкин эди. Аммо афсуски, вазиятлардан унумли фойдалана олмадик. 

Ўйинчилар билан қуюшқондан чиқиш масаласида гаплашиб оламиз, чунки кетма-кет иккинчи ўйинда ўйинчимиз майдондан четлатилмоқда, бу жуда қониқарсиз ҳол. 

Бизда потенциали юқори бўлган футболчилар бор. Кейинги ўйинларда ижобий натижа кўрсатамиз деган умиддаман.

- Жамоанинг бугунги ўйинидан хулоса қиладиган бўлсак, яққол ҳужумчи етишмагандай туюлди. Бу ҳолатни қандай изоҳлайсиз?

- Буни биз ҳам кўрдик. Футболчининг даражаси қийин лаҳзаларда ўзини кўрсата олиши билан баҳоланади. Айнан шу туфайли биз иккинчи таймда Иззатилла Абдуллаев ва Суннатулла Абдуллажоновни майдонга туширдик. Кўрганингиздек, шундан сўнг устунликка эришдик ва вазиятлар ярата бошладик. Ҳужумларни якунлашда оқсадик. 

Ҳа, бугунги "Пахтакор" даражаси юқори эканлиги кўринди. Биз ҳам ўз устимизда ишлаб, юқори савияга кўтарилиш учун меҳнат қиламиз.

- Жамоанинг Суперлигада қолиш имкониятлари борган сари пасайиб боряпти. 15 кунлик танаффусда қандайдир режалар ишлаб чиқилганмиди?

- Бизда ишонч бор. Йигитлар меҳнат қилаётганини кўряпмиз. Ўйин ҳам ёрқин кўринишга кириб бормоқда. Шунчаки очко ишлай олмаяпмиз. "Қўқон-1912" билан ўйинда ҳам бир киши кам бўлиб қолгандик. Бугун 2 та фактор – руҳий жиҳат ва четлатиш туфайли мағлубиятга учрадик. Мақсадимиз – футболчиларимизнинг қарашларини ўзгартириш. Агар буни қила олсак, очко тўплай бошлаймиз. 

- Аброр Исмоилов нега майдонга тушмади? Бу унинг "Пахтакор"дан ижарага олингани билан боғлиқми? 

- Ҳа, у "Пахтакор"га тегишли. Келишувда шу нарса кўрсатиб ўтилган. Бундай даражадаги футболчи майдонга тушганида, бизга фақат фойда бўларди. Аммо келишув шундай, бунга кўнишга мажбурмиз.

Рейтинг: -10   

Комментарии

championat.asia
< посмотреть последние новости
Яндекс.Метрика