Виталий Ни: "Яхши шароитлар таклиф қилинганида футболчиларда иккита йўл қолади: пул ёки садоқат"

"Биз ҳам етакчи футболчиларимизни олиб қолишни жуда хоҳлагандик ва бу асосий вазифамиз эди. Шартномаси тугаганидан кейин уни узайтиришга ҳаракат қилдик. Футболда кўп нарсалар бор. уларнинг шароитларини яхшилаш керак. Лекин бу биргина мен, Рўзиқул Бердиев ёки Шамиль Ярулинга боғлиқ эмас-да. Имконият борми, унда албатта уларни олиб қолиш керак. "Пахтакор"да эса имконият катта. Улар ўйинчиларимизга яхши шароитларни таклиф қилишди. Бундай пайтда ўйинчиларда иккита йўл қолади: пул ёки садоқат. Тўғриси, бундай масалалар ҳақида гапириш қийин. Бизда молиявий томонлама катта муаммо йўқ. Жамоамизга янги президент тайинланди. Балки энди вазият яхши томонга ўзгарар. Лекин бизда "Пахтакор"даги каби имкониятлар йўқ.

Игорь Голбан ҳозир Россияда. Биз у билан гаплашдик ва оғизаки келишувга эришганмиз. Насиб қилса, Голбан блан шартномани узайтирамиз. Драган Чераннинг "Насаф" билан яна бир йиллик шартномаси бор. Акс ҳолда уни ҳам "Пахтакор" олиб кетарди (кулади).

Акмал Шораҳмедов "Насаф"га келиб яна ўз ўйинини топганди. Баҳром Абдураҳимовни "Андижон"дан олиб келдик. Унгача уни айтарли ҳеч ким билмасди. "Насаф"га келиб Баҳром Абдураҳмов сифатида танилиб кетди, - дейди "Насаф" клуби спорт директори Виталий Ни "Футбол Экспресс" газетасига берган интервьюси чоғида.