Виктор Херманс: “Биз тактик сиримизни ошкор қилмаймиз”

-  Ўйиндан олдин қандай фикр билдирасиз?
-  Биз бугун кучли рақибга қарши майдонга чиқамиз. Лекин Австралияни 99 фоизлик натижа билан мағлуб этишга ишончим комил. Тайёргарлик ҳақида гапираолмайман. Чунки Австралияни мағлуб этсак ярим финалда Ўзбекистон терма жамоасига қарши майдонга чиқишимиз мумкин. Шунинг учун тактик тайёргарлигимиз ҳақида гап сўз бўлиши мумкин эмас.

-  Австралия терма жамоаси футзалчилари жисмонан бақувват бунга қарши қандай чоралар кўргансиз?
-  Уларнинг бўйи баландлиги биз учун айни муддао. Чунки улар Шогирдларимга нисбатан кўпроқ қўпол ўйин намойиш этишади. Футзалчиларимнинг бўйи унчалик баланд бўлмаса ҳам жуда чаққон.

-  Бугунги ўйиндан нималарни кутяпсиз?
-  Бугунги ўйиндан фақат ғалаба кутяпман.

-  Юртимиз ҳақида қандай фикр билдирасиз?
-  Ўзбекистонга биринчи бор келишим. Буернинг одамлари оқкўнгил ва меҳрибон экан менга ёқди. Шароитларнинг барчаси аъло даражада. Бунинг учун ташкилотчиларга миннатдорчилик билдираман. Бундан мен хурсандман.

-  Сиз голландияликсиз, катта футболда ҳам машҳур футболчи дўстларингиз ёки танишларингиз борми?
-  “Арсенал”, “Барселона” ва яна бир қанча клубларда менинг дўстларим тўп тепишади. Мен улар иштирокидаги ўйинларни томоша қилиш учун стадионга ташриф буюрсам фақат “вип сектор”га жойлашаман. Ван Перси, Суарес, Месси, Хави, Инеста ва яна бир қанча машҳур футболчилар менинг дўстларим. Менинг энг яқин дўстим йохан Кройфф. 2001 йили футзал бўйича Голландия терма жамоасини бошқарганман.  


Жаҳонгир Сотволдиев суҳбатлашди.