Виктор Кумиков: “Ўйиндан қониқмадим”
06 мар 2022 22:51
Новости

Виктор Кумиков: “Ўйиндан қониқмадим”

“Зомин” ҳамда “Андижон” (0:0) жамоалари ўртасидаги ўйиндан кейин бўлиб ўтган матбуот анжуманида Виктор Кумиков ўз фикрларини билдирди.

- Афсуски, учрашув бошиданоқ ўйинимиз ўхшамади. Нима сабабдан бундай бўлганини билмадим. Аслида барчаси яхши бўлиши керак эди. Биринчи бўлимда ҳеч нима ўхшамади. Иккинчи бўлимда ўзгаришлар қилдик. Шундан кейин ўйинимизда бироз бўлса ҳам ўзгариш бўлди. Лекин гол уролмадик.

Албатта, ўйиндан қониқмадим. Тажрибали футболчиларимизга руҳий босим билинмаслиги керак. Ҳозир яна йигитлар билан гаплашамиз. Бугунги учрашувда бизга 3 очко жуда муҳим эди. Ҳали олдинда ўйинлар кўп. Умид қиламанки, кейинги беллашувларда ижобий натижаларга эришамиз.

“Зомин”да мақсад йўқ, шу боис уларда ҳеч қандай босим ҳам йўқ. Натижада рақиб бугун анча эркин ҳаракат қилди. Бизда гол уришга кўпроқ имкониятимиз бўлди. Битта гол уриб олганимизда ишларимиз юришиб кетарди. Табиийки, ҳужум чизиғимиздаги ўйиндан қониқмадим, - деди Виктор Балютович.

Ссылка :

Источник : "Андижон" ФК матбуот хизмати

Получайте новости прямо в Telegram!

Рейтинг: +2