Виктор Кумиков: “Иккита пеналти ҳам ҳаққоний белгиланди”

-Яратилган имкониятларни голга айлантиришда омадимиз чопмади, деб ҳисоблайман. Ҳимоядаги биттагина хатомиз дарвозамиздан гол ўтказишимизга сабабчи бўлди. Биринчи даврадан фарқли равишда, иккинчи даврани яхшироқ бошладик-мағлубиятдан қутулиб қолдик.

-Жамоангизга янги қабул қилинган футболчиларнинг ўйини ҳақида нима дея оласиз?

-Лутфулла Тўраев ҳали тўлиқ  90 дақиқа майдонга тушишга тайёр эмас. У биз билан йиғинни ўтказди, лекин ҳали оптимал формага тушиб олгани йўқ. Шунинг учун уни захирадан туширдим. Бугун Полвоновдан кўпроқ нарса кутгандим.

-Рақиб дарвоасига шогирдларингиз икки марта пеналти тепишди...

-Ҳар иккала вазиятда ҳам шубҳасиз пенальти бор эди. Иккинчи пеналти белгиланишидан олдин ҳакам кичик танаффус қилди, кейин “нуқта”ни кўрсатди. Агар пеналти бўлмаганида, бундай вазиятларда, яъни охирги дақиқаларда ҳакам жарима тўпи белгиламасди, менимча.