Виктор Жалилов собиқ жамоасига қайтди
15 янв 2020 11:38
Новости
Виктор Жалилов собиқ жамоасига қайтди
Мураббий сифатида ўз вақтида “Пахтакор”, “Машъал”, “Навбаҳор” каби жамоаларда фаолият юритиб, сезиларли ютуқларни қўлга киритган Виктор Романович орадан 15 йил вақт ўтиб яна собиқ жамоаси – “Машъал” клубига қайтди.
68 ёшли мураббий 2005 йили “газчилар”нинг ўша вақтдаги раҳбари Баҳром Давлатовнинг таклифига биноан “Машъал”га келганди ва шу мавсумнинг ўзидаёқ жамоа билан 2-ўринни эгаллаб, ОЧЛ йўлланмасини қўлга киритган. Хабарингиз бор, ҳозирда “Машъал” бош мураббийи сифатида “А” лицензиясига эга бўлган Асрор Алиқулов фаолият юритмоқда. Ушбу мураббий ўз вақтида Виктор Жалилов қўли остида ўйнаганини инобатга олиб айтадиган бўлсак, катта эхтимол билан Алиқулов – Жалилов тандеми “Машъал”ни янги мавсумга тайёрлайди.
Виктор Романович 2019 йилнинг бошида “Андижон”га маслаҳатчи мураббий сифатида таклиф этилиб, кейинчалик қисқа муддат ичида клубдан кетганди. Мавсумнинг иккинчи қисмида эса Тошкентнинг “Локомотив” клубида Самвел Бабаянга яқиндан кўмаклашди.

Похожие новости
championat.asia
Ўзбекистон U-23 терма жамоаси мусобақани ғалаба билан бошланди. Стартда Ливанни енгдик
Испания Суперкубоги. "Барселона" "Атлетик"ни ўта йирик ҳисобда таслим этиб, финалга йўл олди
АПЛ. "Манчестер Сити" "Брайтон" билан ўйинда яна очко йўқотди. Ҳусанов тўлиқ ўйнади
Равшан Ҳайдаров: "Уч очко қўлга киритилди. Болаларча қилинган хатолар Эронга қарши ўйинда такрорланмайди деб умид қиламан"
Комментарии