ВИДЕО. Мадҳияни мана қандай айтиш керак!

Ёшлар терма жамоасидан чиққан футболчилар МТЖга келганда ё мадҳияни унутиб қўйганлар ёки айтишни ўзларига эп кўрмадилар. Ҳа энди улар катта бўлиб қолишди-да. Мадҳияни фақат ўсмирлар ёки ёшлар терма жамоаси учун эмас, юракдан, қалбдан ҳис этиб айтиш керак.

Кеча Бразилия терма жамоаси мадҳияни жўр бўлиб куйлаган эпизод барча-барчанинг этини жимирлатиб юборган бўлса керак. Шахсан мен ўйин бошланмасидан аввал Бразилия бугун ғалаба қозонади дедим. Бу терма жамоа мезбон бўлганлиги учун эмас, ватан мадҳиясини жонини бериб , додлатиб юборгани учун. Мухлислар кўзида ёш оқизиб юборганлиги учун айтдим. 6 ёшли болакайдан тортиб, асли бразилиялик бўлган Хорватия терма жамоаси аъзоси Эдуардогача мадҳияни куйлади. Эдуардо мадҳияни айтилаётган пайтда кўзларини шунчаки юмиб олган ҳолда, мадҳияга ичида жўр бўлди.

Мадҳиянинг сўнгги дақиқасида мусиқа ўчди. Футболчилар шундай ҳайқириқ билан мадҳияни айтдиларки, бизнинг жонли ижрода қўшиқ айтадиган санъаткорларимиз ҳижолатдалар. Мана мадҳия қандай этилади, мана ватан севгиси нима.

Н.Юлдашев


TAS-IX ҳудудида



TAS-IX эмас