Вьетнам бир йиллик танаффусдан сўнг сафарда ғалаба қозонди: Қатар - Вьетнам 1:2
10 окт 2013 08:04
Новости

Вьетнам бир йиллик танаффусдан сўнг сафарда ғалаба қозонди: Қатар - Вьетнам 1:2

Осиё кубоги-2015 саралашидаги рақибимиз Вьетнам терма жамоаси тунда Қатарга қарши ўртоқлик учрашувини ўтказди.

Ўйинда ҳисобни қатарликлар вакили Геддо очди. Бироқ меҳмонлар тезкор ҳужумлар натижасида биринчи бўлимни ўзида икки бор гол уришди. Тронг Хоанг иккала вазиятда ўзини кўрсатиб Вьетнамга иродали ғалаба тақдим этди - 2:1.

Шу тариқа вьетнамликлар 1 йиллик танаффусдан сўнг сафарда ғалаба қозонишди. Охирги марта Вьетнам рақиб майдонида 2012 йилнинг 11 сентябрь куни зафар қучганди. Ўшанда Малайзия ўртоқлик учрашувида таслим қилинганди - 2:0. Шундан сўнг бўлиб ўтган 10та ўйиндан атига иккитасини ўз фойдасига ҳал қилган Вьетнам ғалабасиз сериясига Қатарга қарши ўйинда барҳам берди. Кечаги ўйинга қадар вьетнамликлар кетма-кет 5та ўйинда ғалаба қозона олишмаганди.

Қатар - Вьетнам 1:2
Голлар: Муҳаммад Геддо 15 - Тронг Хоанг 21, 30.
Вьетнам: Тан Бин, Ванг Хоан (Хоанг Куанг, 90+1), Гиа Ту, Пхуок Вин, Ван Ниен, Си Куонг (Ван Биен), Нгок Дуй, Тан Луонг (Тиен Тан, 65), Куок Ан, Тронг Хоанг, Ан Дук.

Эслатиб ўтамиз, Ўзбекистон - Вьетнам учрашуви 15 октябрь куни "Пахтакор" стадионида бўлиб ўтади. Ўйин соат 18:00га белгиланган.

Ссылка :

Источник : championat.asia

Получайте новости прямо в Telegram!

Рейтинг: