Веско Стешевич: "Менимча, "Навбаҳор" гол урган вазиятда ўйин қоидаси бузилганди"
24 мая 2024 22:42
Новости

Веско Стешевич: "Менимча, "Навбаҳор" гол урган вазиятда ўйин қоидаси бузилганди"

Суперлига 9-туридан ўрин олган "Металлург" – "Навбаҳор" (1:1) ўйинидан сўнг мезбонлар бош мураббийи Веско Стешевич матбуот анжуманида қатнашди.

- Ўйин ҳақида

- Сўзимни ўйинчиларимизни мақташ билан бошламоқчиман. Улар бугун жанг қилишди ва Суперлиганинг энг яхши жамоаларидан бирига қарши дуранг қайд этишди. Ўйинни ёмон бошламагандик. Дарвозамизга гол урилганда "Навбаҳор" ҳужумчиси класс кўрсатди, аммо у ерда менимча қўполлик бор эди. Бу вазият ўйинимизга таъсир ўтказди. Иккинчи бўлимда биз ҳисобни тенглаштириш учун босим қилдик ва ўз ниятимизга етдик.

- "Навбаҳор"га қарши яхши тайёргарлик кўрганингиз сезилди. Дурангдан қониқдингизми?

- "Навбаҳор" ва бизнинг жадвалдаги жойлашувимиздан келиб чиқсак, албатта қониқтирди. Яна қайтараман, "Навбаҳор"нинг биринчи голи инобатга олинмаганда, балки ҳисоб бошқача кўриниш оларди. Ўйин бошида ўша гол ўйинимизга таъсир ўтказди. "Навбаҳор" жуда кучли жамоа ва уларга омад тилайман. Бироқ, бизнинг ўйинчилар эркакчасига ўйин кўрсатишди. Ғалаба қозона олмаган бўлсакда, улар мақтовга лойиқлар.

Ссылка :

Источник : championat.asia

Получайте новости прямо в Telegram!

Рейтинг: +10