“Верона” устози “Юве” устидан қозонилган ғалабадан сўнг: “Мавсумни бу қадар яхши ўтказишимизини кутмагандим”

“Бугун биздан кўпроқ характер кўрсатишимиз талаб қилинганди. Чунки биз бу баҳсда доимгидек тезкор ва хавфли ўйин кўрсатолмадик. Дастлабки 35 дақиқа яхши кечди, сўнгра жуда кўплаб вазиятлар яратдик ва шунча хатоларга ҳам йўл қўйдик. Шунга қарамай ўйинда ғалабани ўзимиз томонга оғдира олдик. Йигитларнинг ҳаракатларидан шунчаки мамнунман ва улар учун хурсандман.

Нима дейишгаям ҳайронман. Биз мавсумни яхши ўтказишни истагандик. Лекин бу қадар яхши кечишини очиғи, кутмагандим. Жамоамизда кўплаб ёш футболчилар бор ва улар А серия баҳсларини ўзгача бир иштиёқ билан ўтказиш ниятида. Масалан Мараш Кумбула бугун Дуглас Костани “зарарсизлантириш”нинг уддасидан чиқа олди.

Биз ўз услубимизда футбол ўйнашга қарор қилгандик. Албатта бу бироз хавфли, аммо рақибга етарлича қаршилик туғдира олади”, дейди Юрич.