Венгер нима учун четлатилганди?

Учрашув якунлангач, франциялик мутахассис ҳакамлар хонасига кирган ва ўйиннинг сўнгги дақиқаларида “Арсенал” дарвозасига белгиланган пеналтига ўз норозилигини билдирган. Шундан кейин Венгер учта ўйинга дисквалификация қилинган эди.

“Биз ўйинни якунлаб ҳакамлар хонасига кирганимизда, жаноб Венгер биз ўтирган хонага келди ва “Вест Бромвич” қўриқчисидан ўзини хонага ўтказиб юборишини сўради. У жуда ғазабга минган ҳолда менга яқинлашди ва бир неча марта биз ноҳақлик қилганимизни таъкидлади.

Шундан мен унга “сиз мени фирибгарликда айблапсими?” дедим. У эса “гапимга жавоб бераман, ўша вазиятда сиз ноҳақ эдингиз” деди. Сўнгра гапида давом этиб “Сизлар бир эмас бир неча маротаба бизга қарши ўйинларда шундай ҳолатни келтириб чиқараяпсизлар, профессионал бўлишинглар лозим, аммо сизлар шармандаларсиз” деди. Натижда “Вест Бромвич” қўриқлаш хизмати вакии Венгерни хонадан олиб чиқиб кетди”, дея Диннинг сўзларидан иқтибос келтирмоқда ВВС нашри.