Вадим Абрамов: "Бугунги ўйинда мухлислар ютди"

Ўйин ҳақида

- "Андижон" ўз майдонида жуда кучли ўйин намойиш этишини билардик. Мезбонларнинг иккита голи ҳам ўз хатоларимиз эвазига юзага келди. Рақиб стандартларда жуда хавфли, шу каби вазиятларда эътиборни йўқотмасликка ҳаракат қилдик. Бугунги учрашувдан фақат мухлислар ютди, бу каби ўйинларни кўрган ҳар қандай томошабин катта завқ олгани аниқ.

- "Динамо" бугун жуда яхши ўйин кўрсатди. Натижадан қониқдингизми?

- "Андижон" чемпионат етакчиси айни пайтда. Сафарда дуранг натижа қайд этганимиз ёмон эмас. Ютиб кетишимиз мумкин ҳам эди.

- Акбар Исматуллаев ўз интервьюсида сизнинг фикрларингизни инкор қилувчи гапларни айтди. Бу ерда кимнинг фикри тўғри?

- Эътибор берилса, Исматуллаевнинг фикри билан меникида катта фарқ йўқ. У менга футболчилик фаолиятини якунлаши ҳақида айтган. Бу ҳақида қанча кўп гапирилса, шунча гап кўпаяверади.