RU

Последние новости

10:50«Байер» Алонсонинг ўрнига Испаниядан бошқа мураббий топди  0 10:22Анчелоттининг навбатдаги жамоаси қайси бўлиши очиқланди  6 09:25«Барселона»га қарши учрашувда қизил карточка олган «Реал» футболчиларининг тақдири маълум  16 08:57Луис Энрике Лондондаги ғалаба ҳақида фикр билдирди  2 08:26Артета мағлубиятдан сўнг нималар деди?  10 08:05ЕЧЛ. ПСЖ биринчи ўйинда ғалаба қозонди, "Арсенал"нинг голи ҳисобга олинмади  5 07:58Анчелоттининг Бразилия билан келишуви барбод бўлиши мумкин, Нега?  7 07:30Ўзбекистон кубоги. Бугун 2-тур якунланади  1 01:54ЕЧЛ. ПСЖ Лондонда "Арсенал"ни таслим этди  101 00:30Вадим Абрамов: "Ҳар қандай ҳолатда ҳам биринчи ўринда қоламиз"  1 00:15"Ал Аҳли" "Ал Ҳилол" устидан ишончли ғалаба қозониб, Элит ОЧЛ финалига йўл олди!  30 23:50Февзи Давлетов: "Афсуски, йўл қўйган иккитагина хатомиз туфайли мағлуб бўлдик"  1 23:35Эрик Дайер "Бавария"ни тарк этади. Унинг кейинги жамоаси аниқ  2 22:49Мендининг жароҳати жиддий бўлиб чиқди  3 22:20Кетма-кет иккинчи мавсум Ўзбекистон Кубогининг амалдаги ғолиби гуруҳдан чиқа олмади  29

Умид Аҳмаджонов: "Уругвай каби жамоаларга карши учрашувлар катта мактабдир" Новости

Умид Аҳмаджонов: "Уругвай каби жамоаларга карши учрашувлар катта мактабдир"

Уругвай ва Ўзбекистон миллий терма жамоалари ўртасидаги ўртоқлик ўйинидан сўнг ЎФА биринчи вице-президенти Умид Аҳмаджонов ўз фикрлари билан ўртоқлашди.

Қайд этиш керак, учрашув давом этаётган вақтда Аҳмаджонов Япония пойтахти Токиода бўлиб турганди.

"Ўйинни мириқиб томоша қилдим. Уругвайдек топ жамоага қарши ёш футболчиларимизнинг қандай ҳаракат қилишини кузатиш ҳаммамиз учун қизиқ эди. Қолаверса, бундай кучли жамоалар билан ҳар доим ҳам ўйнайвермаймиз, бу тарихий ўйин эди. Зеро юртимиз мустақилликка эришиб, Ўзбекистон миллий терма жамоаси халқаро майдонда ўйнай бошлаганидан буён ҳали бу даражадаги терма жамоалар билан на ўртоқлик ва на расмий учрашувда майдонга тушган эдик", — деб гап бошлади Аҳмаджонов.

"Натижа биз учун кўнгилсиз эмас. Чунки Уругвай вариантида тўхталаётганимизда ҳам натижа ҳақида ўйламаганмиз. Бизга халқаро тажриба ва кучли мактаб керак. Уругвай бу борада жуда яхши танлов эди. Ўйлашимча, биринчи бўлимда футболчиларимиз кутилганидан-да яхшироқ футбол намойиш эта олишди. Иккинчи 45 дақиқаликда эса деярли барча жабҳаларда имкониятни бой бериб қўйдик".

Уругвай термаси биринчи бўлимдаги қарши ҳужумни муваффақиятли якунлай олган бўлса, иккинчи бўлимда ҳисобни йирик кўринишга олиб келганди.

"Агар мана шундай рақиблар билан тинимсиз кураш олиб бориш имконияти бўлса, йигитларда ҳам кўникма шаклланади. Бора-бора ишонч ортиши, майдондаги тенг курашлар дақиқаси босқичма-босқич кўпайиб бориши мумкин. Гарчи Жаҳон Чемпионатига чиқа олмаган бўлсак-да, Сенегал, Марокаш, Уругвай кабилар билан ўйнаб, потенциалимиз борасидаги тасаввурларимизни бир қадар бойитдик. ЎФА шу йўлида давом этади ва ўртоқлик ўйинларини мунтазам ташкил қилиш учун ҳаракат қилади".

Уругвай — Ўзбекистон ўйинини "Спорт" телеканалидан ташқари, Россия каналлари ҳам эфирга жонли узатди. Чунки Уругвай ЖЧ—2018да Россия билан бир гуруҳдан жой олган.

"Шунчаки россиялик шарҳловчиларнинг ўзимиз ҳақимиздаги фикрларини билиш учун ўйинни Россия каналидан кузатиб бордим. Уларнинг ёш футболчиларимизга, Осиё Чемпионатидаги натижамизга бўлган ижобий фикрлари хурсанд қилди. Кимдир айтиши мумкин, ўша Осиё Чемпионати керак эмас-ку, дея. Йўқ, мен бунга қўшилмайман. Ўшандай мусобақалар ўзимизга бўлган ишончни ошириб олиш учун, футболчиларимиз кўзига ўтни қайтариш учун ҳам керак. Ҳақиқий мусобақалар ҳали олдинда эканини биз ҳам билиб турибмиз ва шунинг учун ҳам тайёргарликни ўша Хитойдаги мусобақадан бошлагандик".

Олдинда Ўзбекистон термасини Осиё Ўйинлари, келаси йилнинг январида эса Осиё Кубоги кутиб турибди.

"Биз топ термаларга қарши ўйинларни легионерларсиз ўтказганимизни унутмаслигимиз керак. Куздан бошлаб ҳар ойда ФИФА кунлари бор. Бу таркибга Аҳмедов, Шомуродов, Ҳамдамов, Шукуров, Денисов кабилар қўшилса, биз янада кучайишимизни тасаввур қилиб кўринг. Шундай жамоа тузишимиз керакки, Осиё Кубогида Японияга ҳам, кейинроқ бошқа жамоаларга ҳам бемалол тик боқа олайлик".

Рейтинг: +59   

Комментарии

championat.asia
< посмотреть последние новости
Яндекс.Метрика