Умид Аҳмаджонов ФИФА гала-оқшомида жаҳон футболи намояндалари билан учрашди
24 окт 2017 13:23
Новости

Умид Аҳмаджонов ФИФА гала-оқшомида жаҳон футболи намояндалари билан учрашди

Ўзбекистон Футбол Федерацияси Президенти Умид Аҳмаджонов ва Ижроия Қўмитасининг аъзоси Бобур Шодиев ФИФА Президенти Жанни Инфантинонинг таклифига кўра расмий ташриф билан Англияда бўлди.

Англияга ташрифи давомида ЎФФ Президенти дунёнинг бир қатор футбол федерацияларининг раҳбарлари ва делегацияси аъзолари билан учрашиб, ўзаро фикр алмашди.

Ташриф доирасида Умид Аҳмаджонов ва Бобур Шодиев кеча, 23 октябрь куни Лондон шаҳридаги “Палладиум” театрида бўлиб ўтган ФИФАнинг йил якунларига бағишланган анъанавий гала-оқшоми – “The Best FIFA Football Awards 2017” тантанали тақдирлаш маросимида иштирок этишди.

Тадбир давомида ЎФФ Президенти Умид Аҳмаджонов ва Ижроия Қўмитаси аъзоси Бобур Шодиев жаҳон футболи намояндалари ва афсоналари – Диего Марадона, Роналдо, Лионель Месси, Оливье Жиру, шунингдек, “Реал Мадрид” президенти Флорентино Перес, италиялик мутахассис Карло Анчелотти билан учрашди.