Улуғбек Бақоев: "Четлатиш "Бунёдкор" фойдасига бўлди"
25 ноя 2020 19:07
Новости

Улуғбек Бақоев: "Четлатиш "Бунёдкор" фойдасига бўлди"

Суперлиганинг 24-туридан ўрин олган "Бунёдкор" - "Сўғдиёна" (1:0) учрашувидан кейин меҳмонлар бош мураббийи Улуғбек Бақоев ўз фикрларини билдирди.

"Яхши ўйин намойиш этдик. Ўйин бўйича футболчиларимга эътироз йўқ. Четлатиш "Бунёдкор" фойдасига бўлди, уларни ғалаба билан табриклайман", – дейди Улуғбек Бақоев.

"Сўғдиёна" ҳозир турнир жадвали ўрталарида бормоқда. Ўтган мавсум 4-ўринни олган эди. Буни пасайиш десак бўладими?
Мақсадимиз улкан эди. Мавсум боши ва ўрталарини таҳлил қилиб кўрадиган бўлсак, уйда ва меҳмондаги ўйинларда кўп очко йўқотдик. Шу боис биз ҳозир сиз кўриб турган ўринда бормоқдамиз.

Милан Митровичнинг ҳолати қандай?
У коронавирус билан касалланди ва даволанди. Дарвозага Ширинбой Абдуллаевни қўйяпмиз. Менимча, у дарвозани яхши қўриқламоқда. Миланга ҳам, Ширинбойга ҳам эътирозимиз йўқ.

Кубок баҳслари декабрь ойида бўлиб ўтади. Жамоа жисмоний тарафдан тайёр бўладими?
Буларнинг бари об-ҳавога боғлиқ бўлади. Йигитларга совуқ ҳавода ўйнаш қийинчилик туғдиради, чунки биз бунга кўникмагандик, лекин ҳаммасини вақт кўрсатади.

Ссылка :

Источник : championat.asia

Получайте новости прямо в Telegram!

Рейтинг: +12