Улуғбек Бақоев - август ойининг энг яхши мураббийи
07 сен 2017 08:00
Новости

Улуғбек Бақоев - август ойининг энг яхши мураббийи

Сайтимиз ўз одатига кўра ойнинг энг яхшиларини аниқлашда давом этади.

Август ойида олий лигада бир қатор мураббийлар ўзларини кўрсатишди. "Бунёдкор" устози Миржалол Қосимов, "Навбаҳор" бош мураббийи Илҳом Мўминжонов ва Александр Хомяков ("Машъал") лаурает бўлишга лойиқ бўлишди. Бироқ биз ёз фаслининг энг сўнгги ойида энг яхши деб "Бухоро" бош мураббийи Улуғбек Бақоевни тан олдик. Бухороликлар ўтган ойда олий лигада 4та ўйин ўтказишди. Жамоа ҳеч бир учрашувда ютқазмади. Дастлаб "Олмалиқ" билан сафарда 1:1 ҳисобида дуранг ўйналди. Кейинги турда "Насаф" таслим қилинди (1:0). Тошкентда "Обод" мағлуб этилди (3:2) ҳамда "Қизилқум" билан кескин қарама қаршиликда зафар қучилди - 1:0.

Ушбу ажойиб ғалабалардан сўнг "Бухоро" олий лига жадвалида иккинчи поғонага чиқиб олди.