Улуғбек Бакаев: "Бухоро" билан шартномам бор. Жамоани Про лигага яхши тайёрлаб, яна Суперлигага қайтаришни мақсад қилганман"

Ўйин ҳақида

- Кўп вазиятга эга бўлдик. Гол уришимиз мумкин эди, аммо буни уддалай олмади. ОКМК ўз имкониятидан фойдаланди ва ғалаба қозонди. Мухлисларга барчаси учун раҳмат айтмоқчиман. Кейинги мавсум бизга сабр керак бўлади. Яна Суперлигага қайтиш учун меҳнат қилиш керак. Ҳаёт эса давом этади. Кейинги йил яна Суперлигага қайтишни мақсад қиламиз.

- Санжар Турсуновнинг голи ҳақидаги фикрингиз?

- У вазиятда фол бор ёки йўқ буни аниқ айта олмайман, аммо рақиб ўйинчиси майдонда ётганда жамоа фейр-плейга амал қилиши керак деб ўйлайман. Фейр-плей эса бўлмади, балки улар кўрмай қолишгандир. Билмадим, тўғриси. Шахсий фикримча, фейр-плейга амал қилиш керак эди. Собиқ футболчи сифатида шундан фикрдаман. 

- "Бухоро" мухлисларини ҳозир бир савол қийнамоқда. Улуғбек Бакаев кейинги мавсум ҳам жамоада қоладими? Жамоа раҳбарияти билан шу масала бўйича гаплашиб олдингизми?

- Бизда шартнома бор. Мен жамоани Про лигага тайёрлайман ва Суперлигага олиб чиқишга ҳаракат қиламан.

- Ёрдамчиларингиз ҳам жамоада қолишадими? 

- Билмадим. Кимдир келади, кимдир кетади. Бу саволларга ҳозир аниқ жавоб бериш қийин.