Улар миллионлардан воз кечишди...

Бизнинг рўйхатимиздан жой олган футболчи ва мураббийлар эса астрономик суммалардан воз кечган ҳолда, ҳозирча Чин ўлкасига боришга шошилмаяптилар...

Ўтган ҳафта Роналдунинг агенти Хитой клубларидан бири трансфер учун "Реал"га 300 миллион евро, футболчининг ўзи учун эса йилига 100 миллион евро маош таклиф қилаётганликлари ҳақида хабар пайдо бўлди. Бироқ, Роналду ушбу таклифга рад жавобини берди.

Ибрагимович учун эса ундан ҳам кўпроқ - 120 миллион евро маош таклиф қилинди. Бироқ, Златан у ерга боришга шошилмаяпти!

"Челси" асосий таркибида мунтазам майдонга туша олмаётган Сеск Фабрегасга ҳам Осиёдан чорловлар бўлди. Бироқ, испаниялик футболчи мардонавор тарзда 31 миллионлик таклифни рад этди.

Руни ҳақида ҳам шу гап. Футболчи МЮ асосий таркибидаги ўрнини йўқотиб қўйди. Аммо, биз ҳам футболчининг ўзи каби Хитойга йўл олишига ҳали анча эрта деб ҳисоблаймиз :) Ҳафтасига 800 минг фунт маош эса икки йил ўтиб ҳам чиқиб қолиши мумкин!

Лука Модрич эса 20 миллионлик маошдан кўра "Реал"га бўлган муҳаббатини устун қўйди

Маркос Рохо МЮ томонидан трансферга қўйилганди. Аммо, унинг ўзи кетишни истамаяпти. Агар у ўша таклифга рози бўлганида бугунги кунда Халк, Оскар, Одил Аҳмедов каби футболчилар билан бир жамоада ўйнаш имкониятига эга бўларди :)

Ёзда Хитой жамоалари Эрнанес ва Манжукич учун яхшигина пул таклиф қилгандилар. Бироқ, томонлар якунда келишувга эриша олмадилар.

Испаниялик мураббий Висенте Дель Боскега эса 15 миллион евро маош таклиф қилишган. Бироқ, у пул учун бундай қарор қабул қилмаслигини маълум қилди.

Англия терма жамоасининг собиқ бош мураббийи Сэм Эллардайс ҳам нима учундир Хитойликлар таклиф қилган жуда-жуда катта пулларни олишни истамади :)

"Манчестер Юнайтед" бош мураббийи Жозе Моуриньо эса Хитойга бориш учун ҳали ёшлик қилишини айтиб ўтди

sports.ru сайти асосида тайёрланди