Уилкшир: "Англияда чой-чақа учун бутсаларни тозалаганман"

"17 ёшимда уйдан кетганман. 15 ёшимда 4000 доллар стипендия оладиган ва бир неча ҳафтага Англиядаги футбол академиясига юборилган икки футболчининг бири бўлганман. "Мидлсбро"да ўйиним ўхшаган, шу сабабли мураббий қолишимни истаган. Аммо афсуски, Австралияга қайтдим. Биз боғланиб турар эдик ва 17 ёшимда яна Англияга йўл олдим ва "Мидлсбро" ёшлар жамоаси шартнома таклиф қилди.

Ёш футболчи бўлсанг асосий таркиб ўйинчиларининг бутсаларини тозалашинг керак. Шундай қоида бор. Ҳар биримизга футболчи берилади ва сен уларнинг бутсаларини тозалаб, сайқаллашинг лозим. Агар ўз ишингни яхши бажарсанг совға олишинг мумкин. Бирор совға беришганини эслолмайман, аммо чой-чақа беришган. Ҳозир вазият бошқача. Ёш футболчилар аввалгидан кўпроқ маош олишади.

Биринчи маош - ҳафтасига 350 фунт. Бу менга етарди ва дарвозабон Жонс билан махсус алмашининг программаси бўйича инглиз оиласида яшаганман. Бизнинг ўз хонамиз бўлган. Биринчи кичик машинамга пул йиққанимни эслайман. Мен учун бу катта воқеа бўлган" - дейди Уилкшир.