U-22 терма жамоамиз гуруҳдан чиқа оладими? (Сўровнома натижалари)
16 янв 2014 18:12
Новости

U-22 терма жамоамиз гуруҳдан чиқа оладими? (Сўровнома натижалари)

Уммондаги Осиё чемпионатида иштирок этаётган Ўзбекистон U-22 ёшлар терма жамоаси бугун гуруҳдаги охирги учрашувни ўтказади.

Саудия Арабистонига қарши соат 21:00да бошланадиган баҳс биз учун ниҳоятда муҳим. Ироқ билан кечган беллашувдан сўнг сайтимизда “U-22 терма жамоамиз гуруҳдан чиқа оладими?” деган сўровнома қўйгандик. Бугунги ўйинга саноқли соатлар қолган бир пайтда сўровнома натижаларини эълон қиламиз.

Бир кунлик сўровномада жами 152 киши иштирок этибди. “Ҳа” деган жавобни 100 кишини танлаган бўлса, 42 киши “Йўқ” деган жавобни маъқул кўрган, шунингдек 10 киши “Билмадим” деган вариантда тўхталибди.

Аслини айтганда, бугун бизни ҳар қандай ҳисобдаги дуранг ҳам қониқтиради, мабодо ғалаба қозонгудек бўлсак бундан яхшиси йўқ албатта. Мухлислар терма жамоамизнинг гуруҳдан чиқишига ишонишмоқда, шу боис энг кўп овозни “Ҳа” деган жавоб йиғди. Албатта, Саудия Арабистони жамоаси ўзига яраша жиддий рақиб, аммо астойдил ҳаракат қилсак, уларни мағлуб этса бўлади. Фақат йигитлар дурангни ўйлаб ҳаракат қилишмаса бўлгани.

Ссылка :

Источник : championat.asia

Получайте новости прямо в Telegram!

Рейтинг: