U-21 Биринчилиги. Кичик водий дербисида “Андижон” йирик ғалабага эришди
14 мар 2020 19:57
Новости

U-21 Биринчилиги. Кичик водий дербисида “Андижон” йирик ғалабага эришди

“Болалар ўсмирлар футбол мактаби” ўйингоҳида “Андижон” ҳамда “Навбаҳор” жамоаларининг ёшлари ўзаро баҳс олиб боришди.

Ушбу учрашув қизиқарли ва кескин курашларга бой бўлди. Ўйин тўлалигича “Андижон” жамоасининг ёшлари назоратида ўтди ва буни ҳисобда ҳам акс эттира олишди.

Дастлабки гол учрашувнинг 16–дақиқасида урилди. Меҳмон ҳимоячилари ўз жарима майдончалари ичида Фарҳод Соҳибжоновни қўполлик билан тўхтатиб қолишди ва ҳакам ҳеч иккиланмасдан “Навбаҳор” жамоаси ёшлари дарвозаси томон пенальти белгилади. 11 метрли жарима тўпини Фарҳод Соҳибжонов аниқ амалга ошириб, учрашувда ҳисобни очди – 1:0.

Голдан руҳланган майдон эгаларининг кетма-кет ҳужумлари натижасида учрашувнинг 41–дақиқасида Дониёр Абдуманноповнинг фаоллигидан сўнг ҳисобни 2:0га етказишди.

Биринчи бўлимга қўшиб берилган дақиқалар ўтиб бораётган дақиқаларда Озодбек Қаҳҳоров рақиб ҳимоячиларининг қўпол хатосидан унумли фойдаланиб ҳисобни йирик кўринишга олиб келди – 3:0.

Иккинчи бўлимда эса Дониёр Абдуманноповнинг учрашувнинг урган голи ўйинга узил–кесил нуқта қўйди ва “Андижон” ёшлари йирик ғалабани тантана қилишди – 4:0.

"Андижон-U21" – "Навбахор-U21" – 4:0
14 март 2020 йил. Андижон. "Боллалар ўсмирлар футбол мактаби" стадиони. 250 томошабин
Ҳакамлар: Рахимбек Каримов (Тошкент),Анвар Маражапов, Зиёдилло Абдурахмонов, Алишер Тўхтасинов (барчаси Андижон)
Назоратчи: Сардор Наджафалиев (Тошкент)
Комиссар: Ойбек Юнусов (Тошкент)

Голлар: Ф. Соҳибжонов 1:0 (16-пен), Д. Абдуманнопов 2:0 (41), О. Қаҳҳоров (45), Д. Абдуманнопов 4:0 (69).

“Андижон- U21": 16. Элдор Адхамов (М. Убайдуллаев 46), 2. Мухаммадали Турсунов (с), 6. Бахтиёр Қосимов (Ю. Топволдиев 46), 19. Шохрух Рахмиддинов (М. Иброҳимов 52), 20. Асилбек Азизов (О. Собиров 80), 21. Исломбек Маматказин, 26. Мухаммадкарим Тоиров, 28. Фарходбек Сохибжонов, 33. Дониёр Абдуманнопов (Р. Қўчқоров 72),
90. Озодбек Қаххоров, 91. Саиджон Мухаммадаминов

“Навбаҳор – U21”:13. Исломжон Абдуллаҳонов, 3. Мирзохид Мирзамаҳмудов, 4. Шахзодбек Хамидов (М. Локаев 46),21. Комилжон Тожидинов, 26. Улуғбек Акназаров (Д. Абдулҳаев 70), 29. Жамолиддин Баҳромов,31. Аюбхон Жўраев, 32. Қодиржон Икрамов (А. Орифжонов 56), 34. Муроджон Адашбоев, 77. Хусайн Эргашбоев (Б. Собиров 46),
94. Анваржон Хожимирзаев (А. Ҳотамов 72).

Огоҳлантиришлар: Ф. Соҳибжонов 22, И. Маматказин 23, Б. Қосимов 35, М. Тоиров 59, М. Турсунов 90+2 – Ж. Баҳромов 15, М. Адашбоев 77.

Нодирбек Абдуллаев тайёрлади