"Турон"да европалик мураббий иш бошлайди

Бу ҳақида "Турон" вице-президенти Александр Азимов клуб матбуот хизматига катта интервью берди. Суҳбат жараёнида янги мавсумда жамоада асли латвиялик, ҳозирда Германияда фаолият олиб бораётган мутахассис Вадим Барнич иш бошлаши ҳақида ҳам айтиб ўтди. 

"Маълумот ўрнида айтишим мумкин, тез орада "Турон"да асли Латвия давлатидан бўлган, ҳозирги кунда Германияда фаолият олиб бораётган мутахассис Вадим Барнич иш бошлашга яқин турибди. Барнични футбол жамоатчилиги "Фортуна Дюссельдорф" клубидаги фаолияти орқали ҳам танишади. Ҳозирда "Турон"да ўзбекистонлик истеъдодли мутахассис Анвар Бердиев ишламоқда. Биз айнан Бердиев ва Барничнинг ўзаро уйғун холда фаолият олиб боришларини таъминламоқчимиз",- дейди Александр Азимов.

Тез фурсатларда ушбу интервьюни сайтимизда ўқишингиз мумкин. Бизни кузатишда давом этинг!