"Турон" Суперлигани ё бор қилади, ё...)" – Исломбек Исмоиловнинг фикрлари ҳақида "Твиттер нима дейди?"
15 мар 2021 14:59
Новости

"Турон" Суперлигани ё бор қилади, ё...)" – Исломбек Исмоиловнинг фикрлари ҳақида "Твиттер нима дейди?"

14 март куни Ўзбекистон Суперлигаси 2-тур учрашувлари доирасида Жиззахда “Сўғдиёна” – “Турон” жамоалари ўртасида ўйин бўлиб ўтди.

Ушбу баҳсда жиззахликлар Шоҳруз Норхоновнинг пеналтидан киритган голи эвазига ғалаба қозонишди. Aйнан юзага келган пеналти бироз баҳсли ҳолат бўлди. Тўп “Турон” футболчининг қўлига эмас, балки унинг юзага теккани видеолавҳаларда яққол кўринди. Бироқ айнан майдонда бўлган ва ўша вазиятга яқин турган бош ҳакам Виктор Серазиддинов бу вазиятни кўрмай қолди (балки, кўрган бўлиши ҳам мумкин). Ўйинда сўнг эса яйпанликлар бош мураббийи Исломбек Исмоилов журналистларга берган интервьюсида футболни коррупсиядан тозалаётган кишилар ишни охиргача қилмаганини иддао қилди ва бу каби ҳолатлар қачонгача давом этишини сўради. Ҳамкасбимиз Фаҳриддин Рўзиев ёзганидек, Исмоилов аввал карерасини ўртага қўйди, кейин гапирди.

Шундан сўнг ижтимоий тармоқларда кўпдан-кўп фикрлар янгради. Биз Твиттердаги фикрларни йиғиб чиқдик.

Фойдаланувчилардан бирининг айтишича, Қўқон ва Жиззах қонундан ташқари жойлар экан:

Турон ФК бечораларга қуръа ҳам жуда ноқулай келибди-да. Биринчи тур Қўқон билан. Иккинчи тур Жиззах билан. А бу икки жой қонундан ташқарида-ку. — Jamolbobo (@Jamolbobo1) March 14, 2021

ё…

Турон суперлигани ё бор қилади, ё...) — Xayrulla Hamidov (@X_Hamidov) March 14, 2021

Юқорида таъкидланганидек, “Турон” мураббийи аввал карерасини ўртага қўйди, кейин гапирди.

Туронни тренери молодец! Тўғри олса ишини олади. Ризқ худодан. Тоза футбол бу утопия. Бу гапни гапирадиганлар ҳам ўзлари ишонишмайди. Гапирилиши учун, мани шу нарсага қарши деб ўйлашсин деб гапиради. Манфатига тўғри келиб қолса тупуриб қўйибди тоза футболга. — Jamolbobo (@Jamolbobo1) March 14, 2021

Ҳожибой Тожибоевни эслаб:

"Бу харомиларга ким чора кўради? Шуми коррупцияга қарши кураш" (с) Қўрқмади, хе деди хакамларингаям деди, боковойларингаям деди. https://t.co/MIZBl42xDq — Д Нурматов (@Nurmatov_D) March 14, 2021

Мураббийга ҳимоя зарурми?

Турон мураббийи Ислом Исмоиловни химоя қилиш керак. — Д Нурматов (@Nurmatov_D) March 14, 2021

Бу саволга кимда жавоб бор?

- Қачонгача? -... — Xayrulla Hamidov (@X_Hamidov) March 14, 2021

ПФЛнинг ҳакамларга алоқаси йўқ эканлигини эслатиб ўтиш жоиз, лекин мана бундай фикрлар ҳам янгради:

Turon treneri yomon gapiribdi. Qoyil. Qani anu PFLni toza chempionat qilamiz degan aqllilar. — Shavkat_Usmonov (@ShavkatUsmonov) March 14, 2021

Мураббий қачондир, кимдир айтиши керак бўлган гапларни гапирди, деб ёзганди Фаҳриддин Рўзиев ҳам.

Ислом Исмоилов мужик бола экан, кўпчилик гапиромаган гаппи этипти — Мото-мото (@name__me) March 14, 2021

Оғабек Самисов тайёрлади

Ссылка :

Источник : championat.asia

Получайте новости прямо в Telegram!