Туркманистон терма жамоасини хорватиялик мураббий бошқаради
05 апр 2019 14:53
Новости

Туркманистон терма жамоасини хорватиялик мураббий бошқаради

Туркманистон терма жамоаларида энди хорватиялик мураббийлар ишлайди.

Хорватиялик Анте Мише футбол бўйича Туркманистон терма жамоаси бош мураббийига айланди. Бу ҳақда turkmenportal.com сайти хабар берди. Унга Сандро Томич ёрдам беради. Хорватия футболи афсонаси Роберт Грдович Туркманистон футзал терма жамоаси устозига айланди. Мураббийлар билан бир йиллик шартномалар имзоланди.

Шу кунга қадар Туркманистон терма жамоасини Язгули Хожагелдиев бошқариб келаётган эди. Айнан ушбу мураббий қўл остида терма жамоа БААда ўтган Осиё Кубогида иштирок этди.