Туркманистон терма жамоаси ЖЧ-2026 саралаш босқичига тайёргарлик доирасидаги илк ўртоқлик учрашувида ғалаба қозонди
11 окт 2023 19:39
Новости

Туркманистон терма жамоаси ЖЧ-2026 саралаш босқичига тайёргарлик доирасидаги илк ўртоқлик учрашувида ғалаба қозонди

Теги : ЖЧ-2026 Туркманистон

БААнинг Дубай шаҳрида йиғин ўтказаётган Туркманистон терма жамоаси маҳаллий “Дубай Юнайтед” клубига қарши ўртоқлик учрашуви ўтказди.

"Dubai Sport Siti" стадионида бўлиб ўтган учрашув 3:1 ҳисобида қўшниларимиз фойдасига ҳал бўлди. Туркманистон терма жамоаси сафида Руслан Мингазов, Мурат Аннаев ва Элман Тагаев рақиб дарвозасини ишғол қилган.

ЖЧ-2026 саралаш ўйинларига тайёргарлик доирасида Туркманистон терма жамоасининг Дубайдаги йиғини 18 октябрга қадар давом этади.

Йиғин давомида Туркманистон терма жамоаси 15 октябрь куни БАА чемпиони "Шабаб Ал Аҳли" клубига қарши ўртоқлик ўйини ўтказади.

Эслатиб ўтамиз, ЖЧ-2026 саралашида Туркманистон терма жамоаси “Е” гуруҳида Эрон ва Ўзбекистон терма жамоалари билан бир гурҳдан жой олган. Ушбу гуруҳдаги тўртинчи иштирокчи саралашнинг биринчи босқичида доирасидаги Гонконг – Бутан жуфтлиги ғолиби бўлади.

Туркманистон терма жамоаси ЖЧ-2026 финал босқичига йўл олиш учун курашни 16 ноябрь куни бўлиб ўтадиган Ўзбекистонга қарши уй учрашувидан бошлайди.

Ссылка :

Источник : championat.asia

Получайте новости прямо в Telegram!

Рейтинг: +4