Тур мухлислари - Тошкентда

"Бунёдкор" - "Пахтакор" ўртасидаги Тошкент дербисини кузатиш учун стадионга 18770 нафар томошабин ташриф буюрди.

Бу кўрсаткич турдаги энг яхши натижага айланди. Шу боисдан ҳам турнинг энг фаол мухлислари сифатида тошкентлик ишқибозларни қайд этдик.

Бу борада иккинчи ўрин Қаршидаги ўйинда кузатилди. "Насаф" - "Сўғдиёна" учрашувида 11232 томошабин ташриф буюрди. Термиздаги "Сурхон" - "Динамо" беллашувида 9214 нафар мухлис келди. Тўртинчи кўрсаткич сифатида Навоийдаги ўйин киритилди. "Қизилқум" - АГМК ўйинини 7833 нафар ишқибоз бевосита стадиондан кузатиб борди. Фарғонада ўтган "Қўқон-1912" - "Андижон" баҳсида 6651 нафар мухлис ташриф буюрди. Бекободдаги ёмғирли ўйин "Металлург" - "Бухоро" учрашувида 4178 нафар томошабин келди.

Шунингдек, иккинчи тур доирасидаги "Локомотив" - "Навбаҳор" учрашувида атиги 4118 нафар мухлислар ташриф буюрди ва бу борада энг кам кўрсаткич айнан чемпион жамоа иштирокидаги баҳсда кузатилди.

Шу тариқа Суперлиганинг 2-тури учрашувларида жами 61996 нафар томошабин ташриф буюрди. Бу ўртача ҳар бир ўйинга 8856 нафар томошабиндан тўғри келмоқда.

Суперлига, 2-тур: Актамовнинг ҳалоскори - Элгужа, уч хил натижа бўйича ягоналикни сақлаб турган жамоалар ва бошқа тафсилотлар ҳақида (тур шарҳи)