Туғилган кунингиз билан, Камолиддин Алимов!

Камолиддин Алимовни кимдир овози, кимдир қалами орқали билади. Характери жуда аъло. Бировга умуман зиёни тегмайди. Шу боис ҳам уни кўпчилик ҳурмат қилади, иззатини доим жойига қўяди.

Камолиддин Алимов фақат футбол билан чекланиб қолган журналист эмас. У спортнинг бошқа турларини ҳам яхши билади ва матбуотда теран ёритади. Тўғрисини айтсам, ўзим ҳам кўп ҳолларда ўзим унчалик яхши билмаган бошқа спорт турлари қонун-қоидаларини шу ҳамкасбимдан сўраб оламан. Алимов бугунги кунда championat.asia билан биргаликда сайтимизнинг укачаси ҳисобланган olamsport.comда ҳам самарали меҳнат қилмоқда. olamsport.comнинг тез орада мухлислар эътиборига тушишида шу дўстимизнинг хизмати катта.

Фурсатдан фойдаланиб журналист дўстимизни таваллуд айёми билан табриклаб қоламиз. У кишига узоқ-умр, сиҳат-саломатлик, оилавий тотувлик тилаймиз. Камолиддин оиласи ва фарзандлари бахтига доим соғ бўлиб юрсин. Келажакда olamsport.comни sports.ru даражасига кўтаришига тилакдошмиз.

Ҳурмат ва эҳтиром билан “СА” ходимлари номидан Хайрулла Холиқов.