Трансфер санкциялари АПЛ клубларига ҳам қўлланилиши мумкин

Маълумотларга кўра, Англия чемпионати клублари ҳам ушбу санкциялар билан "сийланиши" мумкин.

Ҳозирча премьер-лиганинг қайси клуби хавф остида эканлиги номаълум, аммо "Telegraph"нинг мақоласида "Челси" тилга олинган:

"Челси" 2009 йилда Гаэль Какутани харид қилгани учун "кўклар"га икки трансфер ойнасида янги футболчи сотиб олиш таъқиқланган эди, аммо спорт-арбитраж суди бу қарорни бекор қилди.

ФИФА қонунларига кўра клуб бошқа давлат фуқароси ҳисобланувчи 3 нафар 18 ёшгача бўлган футболчини ўз сафида ўйнатиши мумкин.

2015 йилнинг ноябрь ойида Испаниянинг AS нашри Лондоннинг икки клуби ФИФА томонидан жазоланиши мумкинлиги ҳақида хабар қилинган эди.

Айнан ўша маълумотлар орасида "Реал" ва "Атлетико"га ҳам санкциялар қўлланилиши борасида айтилган.

"Telegraph" мақоласида "Арсенал" номи тилга олинмаган. Шунингдек, ўша маълумотлар орасида "Реал" бош директори Хосе Анхель Санчеснинг сўзлари бўлган:

"Британ клублари билан яқиндан таниш эмасман, аммо бир қанча вақт олдин тартиб-интизом қўмитаси текширув ишларини бошлаганидан хабардорман.

Тахминимча, текширувлар учун ФИФАнинг манбалари чекланган ва ташкилот олдин бажарган ишларини такрорлаши мумкин, аммо бунинг ҳаммаси Европа даражасида амалга оширилаётгандек таассурот уйғотяпти.

Иш мобайнида инглиз клубларида танишлар орттирганман ва ФИФА уларнинг баъзиларига нисбатан текширув ишларини бошлаганини биламан, аммо қарор ва натижадан хабардор эмасман. ФИФА бутун дунёда шу ишни бажармоқчидек таассурот уйғоняпти. Яқин икки йил ичида, шунга ўхшаш кўплаб воқеалар содир бўлса керак".