Тошкент вилояти футбол ассоциацияси раҳбари ўзгарди

Шу йилнинг 19 июль куни Тошкент вилояти жисмоний тарбия ва спорт бошқармасининг йиғилиши бўлиб ўтган. Унинг кун тартибида Тошкент вилояти футбол ассосциациясига президент ва биринчи вице президентни сайлаш масаласи кўриб чиқилди. Йиғилиш қатнашчилари Тошкент вилояти ҳокими  Рустам Қурбонназарович Холматовни - вилоят футбол федерацияси президенти, собиқ футболчи Асқар Жадигеровни эса биринчи вице президент этиб сайлашди.

Айни пайтда Асқар Жадигеров ўз фаолиятини бошлаб юборган. 30 июль куни Ўзбекистон футбол ассоциацияси вице-президенти Равшан Эрматов Нурафшон шаҳрига ташриф буюрган ва Тошкент вилояти ҳокими Рустам Холматов билан учрашган. Суҳбат давомида вилоят футболининг бугунги аҳволи, миллионлар ўйинини янада оммалаштириш ишлари муҳокама қилинган. Келгуси режалар белгилаб олинган. 5 август куни Тошкент вилояти футбол ассоциациясининг конференцияси ўтказилиши режалаштирилган.