Тоҳир Кападзе: "Мухлислар бугун жангавор ўйинга гувоҳ бўлишди"
06 фев 2014 20:05
Новости
Тоҳир Кападзе: "Мухлислар бугун жангавор ўйинга гувоҳ бўлишди"
Бугун Фарғонада бўлиб ўтган "Нефтчи-1" - "Қўқон-1912" (0:0) баҳсидан сўнг меҳмонлар бош мураббийи Тоҳир Кападзе ўйин ҳақида фикрларини билдириб ўтди.
- Бугун жамоангиз олий лига вакили бўлмиш "Нефтчи-1" билан дурангга эришди. Буни қониқарли натижа деса бўладими?
- Ҳа, қайд этилган натижадан кўнглим тўлди. Лекин биласизми бугун ғалабага эришишимиз ҳам мумкин эди. Чунки шогирдларимда бир қатор голли имкониятлар юзага келди. Афсуски улардан унумли фойдаланишга келганда, аниқлик етишмади. Шунга қарамай бугун йигитларнинг харакатларидан тўлиқ қониқиш хосил қилдим.
- Умуман олганда учрашув хусусида нима деган бўлардингиз?
- Айтиб ўтганимдек, бугун ғалаба қозонишимиз ҳам ҳеч гап эмасди. Бу ўйин биз учун ҳудди финалдек эди. Рақибимиз анча тажрибали жамоа эканлиги барчага маълум. Унинг таркибидаги ўйинчиларнинг деярли барчаси етакчилардир. Иккинчи бўлим тенг курашлар остида кечди. Умумий олиб айтганда, стадионга келган мухлислар жангавор курашларга бой бўлган ўйинга гувоҳ бўлишди.
- Қорли майдонда ўйнаётган шогирдларингиз кўрсатмаларингизни неча фоизга амалга оширмоқда?
- Бундай қорли майдонда сифатли ва жамоавий ўйин кўрсатиш бирмунча қийин кечади. Чунки қорда ўйнаш осон эмас. Тўпни назорат қилиш ҳам мураккаб бўлади. Лекин шунга қарамай футболчиларимиз имкон қадар ўзларини кўрсатишга уринаётгани бизни қувонтирди. Шу боис бемалол айта оламанки йигитларга ортиқча эътироз йўқ.
- А гуруҳи якунларига кўра "Қўқон-1912" ярим финалга йўл олди. Энди жамоани 9 февраль куни ҳам битта ўйин кутиб турибди. Аммо ПФЛ Кубогида 10 февраль куни "Динамо" билан ўйин ҳам бор. Бу борада қандай ечимни ўйлаб топдинглар?
- Тўғри айтдингиз, энди Фарғона Ҳоким Кубоги-2014 мусобақасининг ярим финалида яна "Нефтчи" жамоаси билан тўқнаш келамиз. Фақат бу сафар "Нефтчи-2" билан ўйнайдиган бўлдик. Шунингдек айтиб ўтганингиздек, бизни олдинда ПФЛ Кубогидаги ўйинлар ҳам кутиб турибди. Мазкур турнирда иштирок этиш учун барча ташкилий ишларни амалга ошириб бўлганмиз. Шу боис эндиликда асосий эътиборимизни пойтахтда ўтадиган кичик турнирга қаратамиз. Бунинг учун 8 февраль куни асосий таркиб аъзолари Тошкентга йўл олади. 9 февраль куни Фарғонада бўладиган ўйинга эса иккинчи таркибни ва йиғинда кўрикдан ўтаётган ёшларни жўнатамиз. Бу учрашув янги ўйинчиларнинг нималарга қодир эканлигини кўрсатиб берса ажаб эмас.
Исломбек РУСТАМБЕКОВ суҳбатлашди.
- Ҳа, қайд этилган натижадан кўнглим тўлди. Лекин биласизми бугун ғалабага эришишимиз ҳам мумкин эди. Чунки шогирдларимда бир қатор голли имкониятлар юзага келди. Афсуски улардан унумли фойдаланишга келганда, аниқлик етишмади. Шунга қарамай бугун йигитларнинг харакатларидан тўлиқ қониқиш хосил қилдим.
- Умуман олганда учрашув хусусида нима деган бўлардингиз?
- Айтиб ўтганимдек, бугун ғалаба қозонишимиз ҳам ҳеч гап эмасди. Бу ўйин биз учун ҳудди финалдек эди. Рақибимиз анча тажрибали жамоа эканлиги барчага маълум. Унинг таркибидаги ўйинчиларнинг деярли барчаси етакчилардир. Иккинчи бўлим тенг курашлар остида кечди. Умумий олиб айтганда, стадионга келган мухлислар жангавор курашларга бой бўлган ўйинга гувоҳ бўлишди.
- Қорли майдонда ўйнаётган шогирдларингиз кўрсатмаларингизни неча фоизга амалга оширмоқда?
- Бундай қорли майдонда сифатли ва жамоавий ўйин кўрсатиш бирмунча қийин кечади. Чунки қорда ўйнаш осон эмас. Тўпни назорат қилиш ҳам мураккаб бўлади. Лекин шунга қарамай футболчиларимиз имкон қадар ўзларини кўрсатишга уринаётгани бизни қувонтирди. Шу боис бемалол айта оламанки йигитларга ортиқча эътироз йўқ.
- А гуруҳи якунларига кўра "Қўқон-1912" ярим финалга йўл олди. Энди жамоани 9 февраль куни ҳам битта ўйин кутиб турибди. Аммо ПФЛ Кубогида 10 февраль куни "Динамо" билан ўйин ҳам бор. Бу борада қандай ечимни ўйлаб топдинглар?
- Тўғри айтдингиз, энди Фарғона Ҳоким Кубоги-2014 мусобақасининг ярим финалида яна "Нефтчи" жамоаси билан тўқнаш келамиз. Фақат бу сафар "Нефтчи-2" билан ўйнайдиган бўлдик. Шунингдек айтиб ўтганингиздек, бизни олдинда ПФЛ Кубогидаги ўйинлар ҳам кутиб турибди. Мазкур турнирда иштирок этиш учун барча ташкилий ишларни амалга ошириб бўлганмиз. Шу боис эндиликда асосий эътиборимизни пойтахтда ўтадиган кичик турнирга қаратамиз. Бунинг учун 8 февраль куни асосий таркиб аъзолари Тошкентга йўл олади. 9 февраль куни Фарғонада бўладиган ўйинга эса иккинчи таркибни ва йиғинда кўрикдан ўтаётган ёшларни жўнатамиз. Бу учрашув янги ўйинчиларнинг нималарга қодир эканлигини кўрсатиб берса ажаб эмас.
Исломбек РУСТАМБЕКОВ суҳбатлашди.
championat.asia
ЛаЛига. "Барселона" мавсумдаги тўртинчи Класикода ҳам ғалаба қозонди
Суперлига. "Нефтчи" "Андижон" майдонидаги водий дербисида устун келди
Суперлига. ОКМК навбатдаги камбекни Қўқонда амалга оширди
Суперлига. Бир неча етакчисиз майдонга тушган "Пахтакор" "Бухоро"ни тор-мор этди
Комментарии