Тимо Вернер қулоқлари туфайли "Реал"га ўтмайди-ми?

"РБ Лейпциг" ҳужумчисининг статистикаси ажойиб: у охирги икки мавсумда 29та гол урди. У август ойидан буён 18та ўйинда 11та гол урди.

Аммо Вернернинг битта муаммоси бор: катта шовқинда Тимонинг боши айланади ва қон айланиши қийинлашади. Футболчи ҳеч нимани эшитмайди ва концентрацияни йўқотади.


Сентябрь ойида ЕЧЛ доирасидаги "Бешиктош" билан ўйинда Вернер турк фанатлари туфайли майдонни тарк этганди. Трибуналардан келаётган баланд овоз туфайли Тимо қулоқларини махсус нарса билан беркитиб олганди, аммо бу ҳам фойда бермади ва танаффусга қадар мураббийлар уни алмаштиришди.

"Бундай муҳитда ҳеч қачон ўйнамаганман. Ўйинга бор эътиборимни қарата олмадим. Қулоғимдаги нарсалар ҳам ёрдам бермади – ўзимни жуда ёмон ҳис қилдим".


Истанбулга сафардан сўнг тахминан икки ҳафта майдонга туша олмади. Marca нашри айнан мана шу туфайли "Реал" уни сотиб олиш фикридан қайтиши мумкинлигини маълум қилди. Мадрид клуби Вернернинг баланд трибуналар олдида ўзини қандай тутишини яна бироз кузатмоқчи.

Унинг "РБ Лейпциг" билан шартномаси 2020 йилда тугайди.