Тезкор хабар: Европада яна ирқчилик билан боғлиқ можаро юзага келди

Испания чемпионати 29-туридан ўрин олган "Кадис" – "Валенсия" учрашуви 33-дақиқага келиб ирқчилик туфайли тўхтаб қолди. 

Гап шундаки, "Валенсия" жарима майдонида "Кадис" ҳимоячиси Хуан Кала (у ўйинда ҳисобни очган) ва Муктар Диакаби тўп учун кураш олиб борган. Кўринишидан ўша вазиятда шунчаки кураш борган, бироқ воқеа кескин тус олиб, футболчилар бир-бирларини ҳақоратлаб кетишган. Бу ҳолатда ҳар икки футболчига сариқ карточка берилган. 

Диакаби бош ҳакамга узоқ вақт ниманидир тушунтиришга уринган. Кейин эса жамоадошларини ичкарига бошлаб кетган. Ўйин шу тариқа тўхтаб қолган. Айни пайтда "Валенсия" ўйинчилари майдонга қайтишдан бош тортишмоқда.

Маълумотларга қараганда, Диакаби алмаштирилган ва ўйин давом этади.