Тен Хаг "Аякс"дан ҳафсаласи пир бўлди. У "Манчестер Юнайтед"ни бошқаришга тайёр

Мутахассис Нидерландия клубидан ҳафсаласи пир бўлди ва спорт директори бўлиб ишлаган Марк Овермарс жамоадан кетганидан сўнг янги муаммоларга дуч келмоқда. Тен Хагга пойтахт клубида доимий равишда ўйинчилар алмашинуви бўлаётгани, шу сабабли кучли жамоа туза олмаслиги ёқмайди.

Агар тен Хаг "Манчестер Юнайтед"ни қабул қилиб олса, ҳозирги мураббий Ральф Рангникга мураббийлар штабидан жой таклиф қилишга тайёр. Немис мутахассиси ёзда ўз лавозимини тарк этади ва "Манчестер Юнайтед" маслаҳатчисига айланади.

Тен Хаг "Аякс"ни 2017 йилнинг декабридан бошқаради. Унинг қўл остида пойтахт клуби икки марта чемпионлик ва Нидерландия кубогини қўлга киритди, шунингдек, мамлакат Суперкубоги соҳибига айланди.