"Темирйўлчилар" сафида янгилар кўрикдан ўтишмоқда
15 дек 2013 14:57
Новости

"Темирйўлчилар" сафида янгилар кўрикдан ўтишмоқда

Осиё Чемпионлар Лигаси-2014 плей-офф баҳсларидаги иштироки туфайли мавсумолди ўқув-машғулотлар йиғинига бошқа клублардан эртароқ киришган «Локомотив» клуби аъзолари шу кунларда машғулотларга зўр беришмоқда.

Бугундан машғулотларга темирйўлчиларнинг янги хариди Анвар Ғофуров ҳам келиб қўшилди. Шунингдек, бир муддат Қозоғистоннинг «Астана» клуби кўригида қатнашган Ислом Тўхтахўжаев ҳам «Локомотив» машғулотларида иштирок этмоқда. Жароҳати боис Мавсум-2013нинг иккинчи ярмини ўтказиб юборган Игнатий Нестеров машғулотларда индивидуал тарзда шуғулланишни бошлаб юборган. Унинг қачон сафга қайтиши эса январ ойида Германияга бориб немис шифокорлари кўригидан ўтгач маълум бўлади.

Дарвоқе, жамоа машғулотларида бир қатор янги футболчилар ҳам кўрикдан ўтишмоқда. Бунга ўтган мавсумни «Нефтчи» сафида ўтказган Элдор Исабоев, «Олмалиқ» клуби шарафини ҳимоя қилган Роман Абдулов, «Локомотив-БФК» ярим ҳимоячиси Сарварбек Сафаров шулар жумласидан. Бундан ташқари машғулотларда яна икки нафар хорижлик футболчи ҳам иштирок этишяпти. Ушбу футболчилар машғулотларда ўзларини ҳар томонлама кўрсатишга ҳаракат қилишади. Машғулотлар кунига икки махалдан давом этмоқда.

Ссылка :

Источник : lokomotiv.uz

Получайте новости прямо в Telegram!

Рейтинг: