Тартиб-интизом қўмитаси: Иқболжон Маликжонов 3та, Павел Бугало 2та ўйинга дисквалификация қилинди ва бошқа қарорлар
27 мая 2022 12:04
Новости

Тартиб-интизом қўмитаси: Иқболжон Маликжонов 3та, Павел Бугало 2та ўйинга дисквалификация қилинди ва бошқа қарорлар

Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги интизомий ишлар кўриб чиқилди.

«ҚИЗИЛҚУМ» — «СУРХОН»

Ўзбекистон Суперлигасининг 10-туридан ўрин олган «Қизилқум»— «Сурхон» учрашувнинг 54-дақиқасида меҳмонлар футболчиси Иқболжон Маликжонов бош ҳакам томонидан огоҳлантирилгандан сўнг ён ҳакам шаънига ҳақоратли сўзлар ишлатгани учун қизил карточка билан жазоланган.

Тартиб-интизом қўмитасининг қарорига кўра, Иқболжон Маликжоновга нисбатан 3 та ўйинга дисквалификация қилиш ва жарима интизом чораси қўлланилди.

«ДИНАМО» — АГМК

Суперлиганинг 10-тури доирасидаги «Динамо»— АГМК учрашувнинг 90+5-дақиқасида АГМК жамоаси мураббийи Павел Бугало ён ҳакам шаънига ҳақоратли сўзлар ишлатгани учун қизил карточка билан жазоланган.

Тартиб-интизом қўмитасининг қарорига кўра, Павел Бугалога нисбатан 2 та ўйинга дисквалификация қилиш ва жарима интизом чораси қўлланилди.

«СУРХОН» — «СЎҒДИЁНА»

U-21 Биринчилиги 9-тури доирасидаги «Сурхон»— «Сўғдиёна» учрашувнинг 78-дақиқасига келиб «Сурхон» жамоаси футболчиси Асилбек Темиров ўйин тўхтатилган вақтда рақиб ўйинчисининг кўкрак қисмига ургани ва тажовузкор ҳатти-харакати учун қизил карточка билан жазоланган.

Тартиб-интизом қўмитасининг қарорига кўра, Асилбек Темировга нисбатан 3та ўйинга дисквалификация ва жарима интизом чораси қўлланилди.

«АРАЛ» — «ЧИҒАТОЙ»

Биринчи лига 6-тури доирасидаги «Арал»— «Чиғатой» учрашувнинг 90-дақиқасига келиб ўйин тўхтатилган вақтда «Арал» жамоаси футболчиси Асад Жуманмуратов рақиб ўйинчисига нисбатан қилган тажовузкор ҳатти-харакати учун қизил карточка билан жазоланган.

Тартиб-интизом қўмитасининг қарорига кўра, Асад Жуманмуратовга нисбатан 3та ўйинга дисквалификация ва жарима интизом чораси қўлланилди.

«ҚИЗИЛҚУМ-В» — «НЕФТЧИ-В»

Аёллар Олий лигаси 7-тури доирасидаги «Қизилқум-В» — «Нефтчи-В» учрашувнинг 90+2-дақиқасида «Қизилқум-В» жамоаси футболчиси Эъзоза Шарипова жамоасига нисбатан ўйин қоидаси бузилгандан сўнг рақиб ўйинчиси шаънига ҳақоратли сўзлар ишлатган ва қизил карточка билан жазоланган.

Тартиб-интизом қўмитасининг қарорига кўра, Эъзоза Шариповага нисбатан 3 та ўйинга дисквалификация қилиш чораси қўлланилди.

Ссылка :

Источник : ufa.uz

Получайте новости прямо в Telegram!

Рейтинг: +2