Янги рукн. Тарихдан иқтибос: "Манчестер Юнайтед"га бўш чек юборганмиз"

"Championat.asia" ходимлари ўқувчиларни уйда зерикиб қолмасликларига оз бўлса-да ўз ҳиссасини қўшиш мақсадида бир қанча янги рукнларга қўл уриб келишмоқда. Бугундан яна бир рукнни бошлаймиз. "Тарихдан иқтибос" рукнида футбол оламида айтилган энг сара иқтибослардан бирини бериб борамиз.

Демак, рукнимиздан ўрин олган илк фикр Миланнинг "Интер" клуби собиқ президенти Массимо Мораттига тегишли. Жаноб Моратти бир пайтлар МЮдан ярим ҳимоячи Пол Скоулзни сотиб олмоқчи бўлган ва кейинчалик ўша жараённи шундай ёдга олган:

"Пол Скоулзни харид қилиш учун жуда кўп ҳаракат қилганмиз. Биз "Манчестер Юнайтед"га бўш чек бланкаси юборганмиз.

Полнинг ўзига ҳам истагимиз ҳақида айтганмиз, у эса шундай жавоб қайтарганди: "Агар мен сизлар учун ўйнашимни хоҳласангиз, клуб ("Манчестер Юнайтед")ни сотиб олишингиз керак бўлади".

Эслатиб ўтамиз, "сариқ иблис" 20 йиллик футболчилик фаолияти фақат "Манчестер Юнайтед" таркибида ўтказган. У "қизил иблислар" таркибида жами 718та ўйин ўтказган ва 155та гол урган.