"Сурхон" машғулотларига фаолиятини Россияда бошлаган ўзбекистонлик футболчи қўшилди
16 янв 2020 22:02
Новости

"Сурхон" машғулотларига фаолиятини Россияда бошлаган ўзбекистонлик футболчи қўшилди

Тошкентда навбатдаги мавсумга тайёргарликни давом эттираётган "Сурхон" жамоаси сафига яна бир Сурхондарёлик футболчи келиб қўшилди.

Ўтган мавсумнинг иккинчи ярмини Тошкентнинг "Локомотив" жамоасида ўтказган Жавохир Эсонқулов жамоамиз машғулотларида иштирок этмоқда.

Маълумот ўрнида, у 1997 йилнинг 20 апрель куни Сурхондарё вилоятида туғилган. 8 ёшида ота-онаси билан Россиянинг Саратов туманига кўчиб кетган. 10 ёшида Россиянинг "Сокол" клубида фаолиятини бошлаган. 2013 йилгача ушбу клубда тўп тепган. Биринчи мураббийи Сергей Александрович Подметалин.

Шундан сўнг футболчи 2013 йилда яна Ўзбекистонга қайтиб келган.

Фаолиятида давомида "Бунёдкор", "Қизилқум", "Насаф", "Металлург", "Қўқон-1912", "Локомотив" жамоаларида тўп тепган.