Суриялик ҳужумчи "Ал Ҳилол" билан хайрлашди
16 янв 2021 21:55
Новости

Суриялик ҳужумчи "Ал Ҳилол" билан хайрлашди

Омар Ал Сома "Ал Аҳли" билан янги келишув имзолаган бир пайтда бошқа бир футболчи "Ал Ҳилол"ни тарк этди.

Гап Сурия терма жамоасининг яна бир иқтидорли ҳужумчиси Омар Хрбин ҳақида бормоқда. 2017 йилда "Осиёнинг энг яхши футболчиси" деб топилган Хрбин 4 йиллик фаолиятдан сўнг "Ал Ҳилол" билан хайрлашди.

26 ёшли Хрбин учун Саудия клубидаги фаолият мазмунли кечди. У 2017 йилги ОЧЛда 10та гол уриб энг яхши тўпурар бўлганди. "Ал Ҳилол"да тўрт йил ўйнаган суриялик тўпурар бу вақт оралиғида уч бор мамлакат чемпиони бўлди, шунинг бир марта Қирол Кубогида зафар қучди.