Сречко Катанец: "Дунёнинг энг яхши терма жамоалари ҳам бир кучли футболчига боғланиб қолишган"
20 ноя 2022 21:00
Новости

Сречко Катанец: "Дунёнинг энг яхши терма жамоалари ҳам бир кучли футболчига боғланиб қолишган"

Россияга қарши назорат учрашувидан сўнг Ўзбекистон терма жамоаси бош мураббийи Сречко Катанец ва ўйиннининг энг яхши футболчиси Отабек Шукуров матбуот анжуманида қатнашди.

- Шомуродов захирага олинганидан сўнг жамоамиз ўйинида хавфли вазиятлар камайиб кетди, Бобир Абдихолиқов ўйинга қўшилганидан сўнг у захирадан майдонга тушганлардан кучлироқ кўринди. Шомуродов билан бирор жароҳат рўй берса келажакда унинг ўрнини эгаллай оладиган футболчи борми?

- Агар дунёнинг энг яхши терма жамоаларига қарайдиган бўлсак, улар ҳам бир кучли футболчига боғланиб қолишган. Бенземани назарда тутяпман. Бу муаммо фақат бизда эмас.

Ҳужум чизиғимизда Элдордан ташқари бошқа яхши форвардлар бор, мисол учун Бобир Абдихолиқов келажакда бизга ёрдам бериши мумкин. Аслида бир ҳимоячини захирага олиб, икки ҳужумчини майдонга туширмоқчи эдим. Бироқ россияликлар ўйин назоратини қўлга олишди, шу сабабли таваккал қилишни истамадим.

Шу билан бирга ҳужум чизиғини кучайтира оладиган Жалолиддин Машарипов, Отабек Шукуров, Одил Ҳамробековлар бор. Уларга бироз тажриба керак.

Ссылка :

Источник : championat.asia

Получайте новости прямо в Telegram!

Рейтинг: +12