Спортинг – Португалия лига кубоги соҳиби

Финал баҳсида мамлакатнинг энг кучли икки клуби баҳс олиб борди. 

Учрашувнинг 79-дақиқасида “Порту” ҳужумчиси Фернандо ҳисобни очган бўлса, ҳакам томонидан қўшиб берилган дақиқаларда, 90+2-дақиқада Бас Дост пеналтидан гол уриб, мувозанатни тиклади. Регламентга мувофиқ, томонлар 11-метрлик пеналтилар серияси орқали ғолиб номини аниқлашга киришишди. Унда “Спортинг”нинг қўли баланд келди.

Португлия лига кубоги мусобақаси 2007 йилдан буён ўтказиб келинади. Ушбу ғалаба “Спортинг”нинг мазкур турнирдаги иккинчи соврини бўлди. Мазкур мусобақани ютиш бўйича мутлақ рекордчи “Бенфика” саналади. Улар 7 марта лига кубогида ғолиб чиқишган. “Порту”га эса ҳозирча ушбу мусобақада бош совринга эга чиқиш насиб этмаяпти.

Португалия Лига кубоги. Финал. 

Порту – Спортинг 1:1 

Голлар: 1:0 – Фернандо – 79, 1:1 – Дост – 90+2 (пен)

Пеналтилар серияси: 1-3