Спалетти: “Наполи” ғалабага лойиқ эди”

Таъкидлаш жоизки, мазкур беллашувнинг биринчи бўлимида неаполликлар кичик ҳисобда мағлуб бўлаётганларига қарамай, якунда ғалабани ўзлари томонга оғдириб олишди.

“Ҳар қандай мураббий танаффус вақтида ўйинда маълум ўзгаришлар қилишга интилади, аммо бунда энг муҳими футболчиларнинг реакцияси... Ҳеч ким сенга ғалабани “туҳфа” қилмайди, ҳар бир киши ўз меҳнати билан ўйин тизгинини ўзи томонга оғдириши лозим. Биз иккинчи бўлимда, биринчисига қараганда кўпроқ ишни амалга оширдик. 

Босим туфайли “Наполи” ҳам “Ювентус” ҳам хатоларга йўл қўйди. “Юве” чуқур ҳимояланди ва бизга муаммо туғдириш учун қанот ҳимоячиларидан усталик билан фойдаланишга уринди. Биз айнан шу ҳолат бўйича янада яхшироқ ишлашимиз лозим. 

Кулибали  -ҳақиқий меҳнатакаш футболчи. У такрорланмас етакчи ва ажойиб инсон”, дея Спалеттининг сўзларидан иқтибос келтирмоқда DAZN.