Солари "Реал" учун идеал танловми?

Икки хафта ичида "Реал"ни инқироздан олиб чиқишни бошлаган Сантьяго Солари "Реал" жамоаси билан 2021 йилгача шарнома имзолади. Солари келгунича, "Қироллик клуби" сўнгги 5 учрашувнинг тўрттасида мағлубиятга учраган эди.

Солари икки ҳафта давомида кўп нарсаларни ўзгартирди. Дастлабки, 4 ўйинида 100 фоизлик натижа кўрсатиб, Флореннтино Перезнинг ишончини оқлашни бошлади.  

Соларининг "Реал"га бош мураббий бўлиши тўғрими?

Рамоснинг "тактика илмини билиш - кийим алмаштириш хонасида футболчиларни руҳлантира олиш сингари муҳим эмас", деб айтган гапи барчанинг диққатини тортди. Хақиқатдан ҳам, унинг гапида жон бордек. Масалан, Мадрид Хулен Лопетегини яхши қабул қилмади. Солари эса аввалдан "Реал" билан бирга бўлганлиги учун клубга тез мослашиб кетди. Рамоснинг 2005 йилда "Севилья"дан "Реал"га ўтганида, Солари "қаймоқранглилар" таркибида бўлган. Аргентиналик мутахассис клуб сафида Зидан, Фигу, Бекҳэм, Роналдо каби футболчилар билан бир вақтда тўп сурган. "Реал" либосида 5 йил давомида 200 учрашувда қатнашган Солари юлдуз бўлмаган наъмунали футболчи ҳисобланади. Сантьягонинг камтарлиги ва фидоийлиги жамоа ўйинига асқотади. Заҳирада қолганида шикоят қилмайди ва техникаси юқори, тезкор жамоадошларини тўп билан таъминлайди. ЕЧЛ финалидаги учрашувда Зиданнинг "Байер"га урган голи, бунга яққол мисол бўла олади.

Сантьяго Соларининг интервьюларини кўриб чиқамиз.

"Реал"да қолишни хоҳлайманми? Муҳими, ҳаммаси жамоа фойдаси учун хизмат қилиши лозим. Қолгани мени қизиқтрмайди. Футболчилар мен учун эмас, жамоа шаъни учун ўйнашади".

Яна бир интервью вақтида журналист Соларидан Зидан билан ўзини қандай солиштириш мумкинлиги ҳақида сўраганди.

"Келинг, яхшиси Зиданни ўз ҳолига қўяйлик. Зинедин клуб рамзи ҳисобланади. Уни таърифлашга сўзим йўқ. Таққослаш керак эмас", - деб фикр билдирганди Солари.

Бошқа инсондан ушбу гапларни эшитса, бироз ғалати туюлиши мумкин. Лекин, Солари - сўнгги 20 йил ичида клуб ҳақида гапирган ва ушбу жамоага содиқ бўлган футболчи.
Сантьяго Зинединни эришган натижаларини қайтариши кутилмоқда. Зиданга кўпчилик "Реал" футболчилари болалигида унга ўхшашни хоҳлашган. Солари ҳам яхши ўйинчи эди. Аммо асосий мисол сифатида, унинг жамодаги футболчилар билан муносабати аъло даражада эканлигини айтиш керак. 

"Вальядолид" билан ўтказилган ўйиндан сўнг (2:0), Солари футболчиларни ротация қилиш борасида қуйидагича жавоб қайтарганди.

"Бейл, Асенсио ва Каземироларнинг ўйини Васкес, Иско ва Винисиусларнинг кўрсатган ўйини сингари муҳим. Чунки, учрашув 90 дақиқа давом этади. Бунда ҳар бир футболчи натижага таъсир этади. Асосийси, заҳирадан майдонга тушган футболчи вазиятни ўзгартира олиши ва жамоа фойдасига хизмат қилиши керак".

Афтидан Солари ҳам Зиданнинг "Реал"да қилган ишларини такрорлаётган кўринади.

Ўтказган 4 учрашувда Солари тактика борасида ўз чизгиларини кўрсатишга улгургани йўқ. Бироқ, у Винисиусни ёшлар клубидан асосий жамоага киритди, клубнинг асосий дарвозабонини танлади ва жисмоний тайёргарлик бўйича мураббий, футболчиларнинг ҳурматига сазовор бўлган мутахассисни ортга қайтарди. Солари шунингдек, жамоани кийим алмаштириш ҳонасидаги вазиятни бошқаларга нисбатан яхши билади. У нафақат юлдуз футболчилар билан елкама-елка тўп сурган, балки машҳур мураббийлар, ҳусусан, Висенте дель Боске сабоғини ҳам олган.

"Мени дель Боскенинг жамоадаги муҳитни бошқара олиши руҳлантиради. Бу - ўйин фалсафаси ва сифатли машғулотлардан муҳим жихат", - деб фикр билдирганди Солари.

Ўйинчиларнинг сўзларига кўра, Сантьяго клубдаги муҳитни ўзгартирмоқда. "Сельта" устидан қозонилган ғалабадан сўнг, Начо Солари билан ҳамкорликда ишлашни хоҳлашини, лекин мураббий танлаш футболчиларнинг зиммасида эмаслигини таъкидлаганди. Бензема эса Соларини камида мавсум охиригача "Реал"ни бошқариши ҳақида кескин фикр билдириб ўтганди.

Ҳозирда Соларидан яқин ярим йил ичида Зидан қолдириб кетган жамоани қайта ташкил этиш ва франциялик мутахассис кўрсатган натижаларни такрорлаш талаб қилинмоқда.

championat.com сайтидан Нодир Абдурасулов таржимаси