Шуҳрат Ўринбоев: "Андижон"нинг мақсади мавсум сўнггигача чиройли ўйин кўрсатиш"

- "Андижон" бу йилги мавсумда ўз олдига қўйган вазифаларни бажара олмаяпти. Айни вақтда жуда қийин аҳволда қолган. 2002-2008 йилларда сиз жамоани Биринчи лигадан олий лигага олиб чиқдингиз. Айни вақтда жамоани қабул қилиб олганингизда аксинча жамоа олий лигадан биринчи лигага қараб йўл олмоқда. Айтингчи сиз жамоани қабул қилиб олаётганингизга бу жиҳатлар сизни хавотирга солмадими?

- Албатта , хавотирга солди. Чунки "Андижон" клуби 12 ўриндаги жамоадан 11 очко ортда бормоқда. Айни вақтда жамоани ҳолатига ҳавас қилиб бўлмайди. Олий лигада қолишни уддалаш бу жуда ҳам қийин масала. Аввало, чиқмаган жондан умид биз ҳаракатни давом эттирамиз. Раҳбарият бизни олдимизга ушбу мавсум ҳеч қандай талаб қўймаган. Вазифамиз чиройли ўйин кўрсатишдан иборат бўлиб қолди. Ҳеч қачон жамоа бўлди энди биз олий лигадан тушуб кетдик деб майдонга тушмайди. Футболда ҳеч қачон олдиндан таслим бўлмайди. Назарий жиҳатдан ҳали ҳам имкониятимиз бор. Навбатдаги ўйинларимизни барчаси пешдақам жамоаларга қарши бўлиб ўтади. Вазиятга реал қараш керак. Агар биринчи лигага тушиб кетсак, янгидан бошқа жамоани шакллантирамиз.

Бу йилда жамоа олий лигадан тушиб кетадими, қоладими биз жамоа олдига уч йиллик дастурни тақдим этдик. Бу дастурга нисбатан биз фақат ҳомийларга қараб қолмасдан ўзини-ўзи таъминлайдиган клубни ташкил этмоқчимиз. Бир йилда яхши клуб қилиб юборамиз деб айта олмайман. Камида уч йилда "Андижон"ни рақобатбардош клуб қиламиз.

- "Андижон" жамоаси нега сўнгги йилларда қўнимсизликка учраган деб ўйлайсиз. Жамоани ажойиб мухлислари бор, ҳомийлари бор, стадиони бор. Шунга қарамай жамоа олий лигада қўним топа олмаяпти.

"Андижон"нинг мухлислари энг кучлиси дея оламан. Қолганларига сабабни эса аввал ишлаб кетган раҳбарларга боғликлигини айтишим мумкин. Бош ҳомийимиз ва вилоятимиз раҳбари томонидан барча шароит яратилган бўлсада натижа бўлмаяпди. Ҳар қандай футбол ҳодими ўз манфаатидан клубникини устун қўйиши керак.

- Жамоада мураббийлар қўнимсизлиги ҳам бор. Мисол учун Биринчи лигадан Абдураимов олиб чиқди, ундан сўнг Шевченко олди. Энди Маматказинга қолди. Сиз жамоа раҳбари сифатида мураббийлар борасида қандай фикрдасиз?

- "Андижон"да ҳар йили мураббий алмашади. Биз энди шундай мураббийни таклиф этмоқчимизки у биз билан уч йил бирга ишлайдиган ва ўз манфаатидан клуб манфаатини устун қўядиган мураббийни таклиф этмоқчимиз. У мураббий вилоятдаги ёшлар футболига катта эътибор қаратиши лозим.