Шота Арвеладзе: "Олдинда бизни қийин ва финалга тенг ўйинлар кутмоқда"

"Ўйлашимча, қизиқарли футбол кўрдик. Мухлислар чиройли муҳит ҳосил қилишди ва бундай ҳолатда ўйнаш ёқимли. Майдон яхши ўйнашимизга мушкуллик туғдирди. Йигитлар бугун жуда яхши ҳаракат қилишди. Иккита гол урдик, яна бир голимиз инобатга олинмади. Аҳмедов, Аъзамов ва Гриффитс жароҳат сабабли майдонга тушмади. Ҳошимовда ҳам енгил шикаст борлиги учун Бухорога келмади.

Мезбонлар тўпни узоқ масофага етказиб бериб, кескин ҳужумлар уюштиришга интилишди. Биз буни кутгандик ва шунга яраша ҳимояда бехато ўйнашга уриндик. Олдинда бизни қийин ва финалга тенг ўйинлар кутмоқда. Тўрт беллашув аҳамияти жуда муҳим. Ҳар бир ҳолат барчасини ўзгартириб юбориши мумкин. Жамоа курашишга ўрганмоқда. Баъзи ўйинлар шунга мажбур қилади. Имкон қадар барчасига тайёр туриш лозим.

Пенальти бўлган вазият мендан тахминан 70-80 метр узоқда эди. Бирон нарса дея олмайман. Масалан ўтган турда тоза голимизни ҳисобга олишмади. Наманганда ютқаздик, аммо ҳакамларга раҳмат дедим. Тошкентдаги ўйиларимизга 3000 одам келади, уларнинг овози ҳам эшитилмайди. "Бухоро"ни янада кучлироқ қўллаб қувватлашингиз лозим, сизларда яхши жамоа бор, - дейди Шота Арвеладзе.